დიდებული ჰოგვორტსის კედლები ახლახან კიდევ უფრო გაფართოვდა.

HBO-მ ჰარი პოტერის მომავალი სერიალის მე-2 სეზონისთვის ახალი მსახიობების ვინაობა გამოაცხადა.

ყველასთვის საყვარელი ელფი დობის როლს მე-2 სეზონიდან ლენი რაში შეასრულებს. რაში ცნობილია სერიალიდან — Am I Being Unreasonable?. ამ როლისთვის ბრიტანელმა მსახიობმა BAFTA-ს სატელევიზიო ჯილდოც მოიპოვა.

ფოტო: Wizarding World

ფოტო: Essex

ჯინი უიზლის ბონი ჰილი ითამაშებს. ბონი ჰილი გრეისი კოქრენს ჩაანაცვლებს, რომელიც ჯინის როლს პირველ სეზონში თამაშობდა, თუმცა გაუთვალისწინებელი გარემოებების გამო სერიალის დატოვება მოუწია.

ფოტო: ScreenRant

ფოტო: Instagram

ტომ რიდლის როლში კი ბილი ბარატს ვიხილავთ. 13 წლის ასაკში ბარატი ყველაზე ახალგაზრდა მსახიობი გახდა, რომელმაც საუკეთესო კაცი მსახიობის ემის ჯილდო მოიპოვა.

ფოტო: Reddit

ჰარი პოტერის სერიალის პირველი სეზონის გადაღებები დასრულდა და მისი პრემიერა HBO-ზე 25 დეკემბერს შედგება. მეორე სეზონი, რომელიც ჯოან როულინგის ცნობილი ფენტეზის სერიის მეორე წიგნს ეფუძნება, ამჟამად მოსამზადებელ ეტაპზეა.

გასულ კვირას პირველი სეზონის ოფიციალური ტრეილერი გამოვიდა, რომელმაც მსახიობები და ჰოგვარტსის მაგიისა და ჯადოქრობის სკოლა უფრო ახლოდან გაგვაცნო.

ტრეილერის ერთ-ერთი სცენა სავარაუდოდ ლილი და ჯეიმს პოტერებსაც ასახავს, თუმცა მათი მსახიობების ვინაობა ჯერჯერობით დაუდასტურებელია.