სიდნი სვინიმ Novig-ის ახალ რეკლამაში მიიღო მონაწილეობა. Novig სპორტული ვაჭრობისა და პროგნოზირების ბაზრის უახლესი აპლიკაციაა ფეხბურთის, ბეისბოლის, ჩოგბურთისა და სპორტის სხვა სახეობების მოყვარულთათვის.

პლატფორმის სარეკლამო რგოლში კი ეიფორიას ვარსკვლავი სხვადასხვა სპორტულ ინვენტართან — ფეხბურთისა და კალათბურთის ბურთებთან, ჰოკეის კართან და სხვა აღჭურვილობასთან ერთად შიშველი პოზირებს. აღსანიშნავია ისიც, რომ სვინი Novig-ის სტრატეგიული პარტნიორი და აქციების მფლობელიც გახდა.

ფოტო: Novig

"კამპანია მიზნად ისახავდა მხიარული იდეის ირგვლივ გაერთიანებას. კონცეფცია მარტივია: გავცდეთ ზედმეტ ხმაურს და მთელი ყურადღება სპორტზე გადავიტანოთ. ეს კამპანია ამ იდეას თავდაჯერებულობით, იუმორითა და თამამი, ხალისიანი ელფერით აცოცხლებს", — აღნიშნა სვინიმ.

"ფიქრობთ, რომ სპორტი კარგად გესმით? დაამტკიცეთ. Novig მხოლოდ სპორტია, ამიტომ მათ სურდათ, რომ მხოლოდ სპორტი ეჩვენებინათ," — ამბობს სვინი, პარალელურად კი კალათბურთის ფარზე შიშველი პოზირებს და სხეულს ბურთებით იფარავს.

ფოტო: Novig

რეკლამაში სვინი ასევე განმარტავს, რომ Novig-ში არ შეგხვდებათ ფსონები ომებზე, ვინმეს სიკვდილზე ან პოლიტიკაზე, როგორც ეს სხვა პოპულარულ საპროგნოზო პლატფორმებზეა (მაგალითად, Polymarket-ზე).

"სპორტის ქომაგები იმსახურებენ საპროგნოზო ბაზარს, რომელიც სპეციალურად მათთვის შეიქმნა," — განაცხადა იაკობ ფორტინსკიმ, Novig-ის თანადამფუძნებელმა და გენერალურმა დირექტორმა — "ჩვენი მთავარი ფოკუსი სპორტია და ამ სფეროსადმი სრული თავდადებით, გულშემატკივრებისთვის უკეთესი გარემო შევქმენით. სიდნიმ ეს სათქმელი ისე გადმოსცა, რომ მისი დაიგნორება უბრალოდ შეუძლებელია".

იხილეთ Novig-ის ვიდეორგოლი: