დაავადებათა კონტროლის ცენტრის ცხელი ხაზი 116 001

ირან-აზერბაიჯანის ჩაკეტილ საზღვარზე მყოფი საქართველოს მოქალაქეები ქვეყანაში ჩამოიყვანეს და კარანტინში გადაიყვანეს.

საგარეო საქმეთა მინისტრის მოადგილის, ალექსანდრე ხვთისიაშვილის თქმით, საქართველოს მოქალაქეები ირანის ტერიტორიაზე ირან-აზერბაიჯანის საზღვრის ჩაკეტვის გამო რჩებოდნენ.

მოქალაქეებს საქართველოს საზღვარზე საგანგებო სიტუაციების კოორდინაციისა და გადაუდებელი დახმარების ცენტრის თანამშრომლები დახვდნენ. მათ ადგილზე შესაბამისი შემოწმება გაიარეს და სპეციალურად გამოყოფილი ტრანსპორტით კარანტინში გადაიყვანეს.

საქართველოში კორონავირუსის ოთხი შემთხვევაა დადასტურებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს.

ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

გაიგეთ მეტი კორონავირუსის პრევენციის შესახებ: