საქართველოს პრემიერმინისტრის სპეციალურმა წარმომადგენელმა რუსეთთან ურთიერთობის საკითხებში, ზურაბ აბაშიძემ განაცხადა, რომ სანამ საქართველოს ტერიტორიული მთლიანობა რუსეთის მიერ შელახულია, ორ მხარეს შორის დიპლომატიური ურთიერთობების აღდგენის საკითხის განხილვა არ შეიძლება:

"ჩვენი ფორმულა ასეთია, რომ სანამ დარღვეულია საქართველოს ტერიტორიული მთლიანობა, შელახულია, შელახულია ჩვენი სუვერენიტეტი, ეს საკითხი ვერ განიხილება. მაგრამ თუკი ძალიან სერიოზული პროგრესი მოხდება, თვისებრივი წინსვლა მნიშვნელოვან საკითხებთან, აფხაზეთისა და ცხინვალის რეგიონთან დაკავშირებით, მაშინ რაღაც ეტაპზე შეიძლება, ეს არის სავარაუდო, რომ ეს საკითხი დღის წესრიგში დადგეს. მაგრამ დღეს ეს ვერ მოხდება".

პრეზიდენტის მრჩეველი, თენგიზ ფხალაძე კი ამბობს, რომ თუკი ვინმეს იმის ილუზია აქვს, რომ საქართველო ოკუპირებული ტერიტორიების საკითხს შეეგუება, ძალიან ცდება:

"თუ ვინმეს აქვს იმის ილუზია, რომ საქართველოს ხელისუფლება ან ქართველი ხალხი ოდესმე შეეგუება იმ ნაბიჯებს, რომელიც, მაგალითად გადაიდგა გუშინ, რაც კიდევ ერთი დადასტურებაა იმ მცოცავი ოკუპაციის და ფარული ანექსიის, რომელსაც რუსეთის ფედერაცია ახორციელებს საქართველოს ტერიტორიაზე... თუ ვინმეს აქვს იმის ილუზია, რომ ჩვენ ამას შევეგუებით, ძალიან ცდება".

გრიგორი კარასინმა 2 ნოემბერს განაცხადა, რომ საქართველო რუსეთთან დიპლომატიური ურთიერთობების აღდგენისთვის მზად ჯერ არ არის. მან ასევე განმარტა, რომ ერთმნიშვნელოვანი შეფასების გაკეთება ამ საკითხზე შეუძლებელია.

უფრო ვრცლად აბაშიძე-კარასიის ფორმატზე შეგიძლიათ იხილოთ აქ:

რატომ არის აბაშიძე-კარასინის ფორმატის არსებობის საჭიროება ბუნდოვანი