Ria Novosti-ის ინფორმაციით, რუსეთის საგარეო უწყების წარმომადგენელმა, გრიგორი კარასინმა განაცხადა, რომ საქართველო რუსეთთან დიპლომატიური ურთიერთობების აღდგენისთვის მზად ჯერ არ არის. 3 ნოემბერს გაკეთებულ განცხადებაში მან ასევე განმარტა, რომ ერთმნიშვნელოვანი შეფასების გაკეთება ამ საკითხზე შეუძლებელია:

"ერთი მხრივ, გასული 4 წლის განმავლობაში ორმხრივი ურთერთობის მნიშვნელოვნად გაუმჯობესება შევძელით, ჩვენ ეს ორი მხარე იმ ჩიხიდან გამოვიყვანეთ, რომელშიც ისინი მიხეილ სააკაშვილის მიზეზით აღმოჩნდნენ. რუსეთი საქართველოს საგარეო ეკონომიკის ერთ-ერთი უმნიშვნელოვანესი პარტნიორი ისევ გახდა, სატრანსპორტო კავშირის ნორმალიზება მოხერხდა, ვითარდება ტრადიციული ჰუმანიტარული კონტაქტები. ანუ მიღწეულია საკმაოდ ხელშესახები შედეგები, რომლებიც ორი ქვეყნის მოსახლეობის ინტერესებს პასუხობს.

თუმცა, ამავდროულად, ქართული მხარი არ არის მზად იმისთვის, რომ რუსეთთან დიპლომატიური ურთიერთობა აღადგინოს, რომელიც 2008 წელს შეწყვიტა. ოფიციალური თბილისი რუსეთთან მიმართებით პერიოდულად "ვარდება" ხოლმე კონფრონტაციულ რიტორიკაზე. და ეს, რბილად რომ ვთქვათ, ზემოაღნიშნულ პოზიტიურ ტენდენციებს სტაბილურობას არ ანიჭებს. ამას სულ ვეუბნები საქართველოს პრემიერმინისტრის წარმომადგენელს, ზურაბა აბაშიძეს ჩვენი ორმხირივი მოლაპარაკებების ფორმატში".

კარასინმა ასევე განმარტა, რომ ამ ეტაპზე ორი ქვეყნის პრეზიდენტების, ვლადიმერ პუტინისა და გიორგი მარგველაშვილის კონტაქტი არ იგეგმება.

2008 წლის აგვისტოში რუსეთსა და საქართველოს შორის დიპლომატიური ურთიერთობები შეწყდა. თუმცა, ქართული ოცნების ხელისუფლებაში მოსვლის შემდეგ აბაშიძე-კარასინის ფორმატი შეიქმნა, რომლის ფარგლებშიც ძირითადად სავაჭრო-ეკონომიკურ ურთიერთობებზე, სავიზო რეჟიმის გამარტივებასა და კულტურული ურთიერთობის აღდგენაზე საუბრობენ.

უფრო ვრცლად აბაშიძე-კარასიის ფორმატზე შეგიძლიათ იხილოთ აქ:

რატომ არის აბაშიძე-კარასინის ფორმატის არსებობის საჭიროება ბუნდოვანი