სახალხო დამცველი, ნინო ლომჯარია, 15 წლის მოზარდის გარდაცვალების საქმესთან დაკავშირებით აცხადებს რომ, გამოკითხვის პროცესში არ იყო ძალადობისაგან და ფსიქოლოგიური იძულებისაგან თავისუფალი გარემო.

"გამოკითხვის დროს იყო მთელი რიგი გარემოებები, რაც არღვევს არასრულწლოვანთა მართლმსაჯულების შესახებ კანონმდებლობას", — განაცხადა ნინო ლომჯარიამ

სახალხო დამცველის თქმით, სავარაუადოდ, გამოკითხვა ღამის საათებში ჩატარდა და ადგილი ჰქონდა არასრულწლოვნებზე ზეწოლასა და იძულებას ჩვენების მისაცემად. ასევე, მისი ინფორმაციით, სხვა მოზარდების გამოკითხვის შემდეგ, არასრულწლოვნები ერთმანეთს შეპირისპირებას, რამაც ტრავმა მიაყენა მოზარდებს.

დღეს, 18 დეკემბერს, სახალხო დამცველი ნინო ლომჯარია, სახელმწიფო ინსპექტორთან შეხვედრაზე იმყოფებოდა.

ბიჭი, რომელიც პოლიციაში დაკითხვის შემდეგ კორპუსიდან გადმოხტა, 17 დეკემბერს გარდაიცვალა. საქმესთან დაკავშირებით დაკავებულია დიდუბე-ჩუღურეთის სამმართველოს პოლიციის პირველი განყოფილების გამომძიებელი მარიანა ჩოლოიანი. სისხლის სამართლის კოდექსის 335-ე მუხლით, რაც ჩვენების მიცემის იძულებას გულისხმობს.