შინაგან საქმეთა სამინისტროს ინფორმაციით, დააკავეს პირი, რომელსაც საკუთარი მანქანის მოპარვის ინსცენირებით სადაზღვეო კომპანიიდან ფულის მიღება სურდა. შემთხვევა 12 სექტემბერს მოხდა, თუმცა სამართალდამცავებმა ის რამდენიმე დღის წინ დააკავეს.

საქმეზე გამოძიება საქართველოს სისხლის სამართლის კოდექსის 373-ე მუხლის პირველი ნაწილითა და 19-180-ე მუხლის მე-3 ნაწილით მიმდინარეობს, რაც ცრუ დასმენასა და თაღლითობის მცდელობას გულისხმობს. საქართველოს კანონმდებლობით 6-დან 9 წლამდე ვადით თავისუფლების აღკვეთაა გათვალისწინებული.