ოცნების დეპუტატი დავით მათიკაშვილი "ერთიანი ნეიტრალური საქართველოს" წევრების ჩვენებებზე კომენტირებისას "ტვ პირველთან" აცხადებს, რომ არაფერია გასაკვირი იმაში, რომ სასამართლო პროცესებზე ხდება იმ ადამიანების დასახელება, ვინც ქვეყანაში დაგეგმილი რევოლუციური და ძალადობრივი გეგმების უკან იდგა.

"არაფერი არ არის გასაკვირი იმაში, რომ ხაზგასმით ხდება აღნიშვნა და მკვეთრი ფერებით ხდება გამოკვეთა იმ ნეგატიური როლისა, რაც ევრობიუროკრატიას დღეს საქართველოში გააჩნია ბოლო რამდენიმე წლის განმავლობაში. უამრავი მცდელობა ძალადობრივი რევოლუციისა, რომლის უკან იყო ფონდები ევროპიდან, და სწორედ ამ ფონდების მეშვეობით ხდებოდა ამ რევოლუციის მცდელობის დაფინანსება. რა გასაკვირია, თუკი ხდება, რა თქმა უნდა, იმ ადამიანების დასახელება სასამართლო პროცესებზე, ვინც ამ რევოლუციური და ძალადობრივი გეგმების უკან იდგა. და ის ნეგატივი, რომელიც შეგნებულად, აგენტურული ოპოზიციის დანოსებით და ტყუილზე აგებული ნარატივებით ისმის საქართველოს წინააღმდეგ აგებული, ესეც არის ცხადი", — ამბობს მათიკაშვილი.

თბილისის საქალაქო სასამართლოში ე.წ საბოტაჟის საქმეზე პარტია "ნეიტრალური საქართველოს" წევრები დაიკითხნენ. ადვოკატ ომარ ფურცელაძის განცხადებით, პარტიის ლიდერებმა დაკითხვაზე განაცხადეს, რომ სისხლის სამართლის დანაშაულში "აგენტურული ჯგუფის მხარდამჭერები და თანამოაზრეები არიან: არიან კაია კალასი, ურსულა ფონ დერ ლაიენი, მარტა კოსი, კელი დეგნანი და CIA.