"ნინოწმინდის" საბაჟო პუნქტზე უცხო ქვეყნის 2 მოქალაქე დააკავეს, რომლებსაც მანქანაში იარაღი და ტყვიები ჰქონდათ. უცხო ქვეყნის მოქალაქეებს ავტომობილებში პნევმატური იარაღი, მჭიდი და 31 ცალი ტყვია აღმოაჩინეს. ორივე საქმე გამოსაძიებლად პოლიციას გადაეცა. ინფორმაციას შემოსავლების სამსახური ავრცელებს.

"საბაჟო გამშვებ პუნქტზე "ნინოწმინდა" კანონდარღვევის 2 ფაქტი აღიკვეთა.

ფინანსთა სამინისტროს შემოსავლების სამსახურის მებაჟე ოფიცრებმა, უცხო ქვეყნის მოქალაქეების მართვის ქვეშ არსებული ავტომობილების დეტალური დათვალიერების შედეგად, მალულად განთავსებული პნევმატური იარაღი, ერთი მჭიდი და 31 ცალი ცეცხლსასროლი იარაღის საბრძოლო ვაზნა აღმოაჩინეს.

ორივე კანონდამრღვევი მოქალაქის მიმართ საქმის მასალები შემდგომი რეაგირების მიზნით, შინაგან საქმეთა სამინისტროს გადაეცა", — აღნიშნულია შემოსავლების სამსახურის განცხადებაში.