კოალიცია ცვლილებისთვის ერთ-ერთ ლიდერი ზურა ჯაფარიძე სკუტერით გადაადგილდებოდა, როცა მას მსუბუქი ავტომობილი დაეჯახა. ამის შესახებ სოციალურ ქსელში თავად დაწერა. მისივე ინფორმაციით, ტვინის შერყევა აქვს.

მოგვიანებით პოლიტიკოსმა ვიდეო გაავრცელა კლინიკიდან, სადაც ამბობს, რომ ყველა საჭირო კვლევა ჩაუტარდა, "პატარა ამნეზიის ეპიზოდი აქვს, რაღაც მომენტები არ ახსოვს".

"არაფერი ისეთი სანერვიულო არ არის, სკუტერით მოვდიოდი, დამეჯახა მანქანა, ჩამიჭრა. ნელა მოვდიოდი, ცოტა ხანი ვიფორთხიალე, ამიტომ ბევრი დაჟეჟილობა და კანი მაქვს ატყავებული. ტვინის შერყევის ამბავია, პატარა ამნეზიის ეპიზოდი მაქვს, რაღაც მომენტები არ მახსოვს, მაგრამ მე მგონი, ნელ-ნელა მაგასაც ვიბრუნებ. სხვა ისეთი არაფერი. კვლევები და რაც საჭირო იყო, ყველაფერი ჩამიტარეს. მოკლედ, სერიოზული სანერვიულო არაფერი არ არის", — აცხადებს კლინიკიდან ვიდეო-მიმართვაში ზურა-გირჩი ჯაფარიძე.

მომხდართან დაკავშირებით დაიწყო თუა რა გამოძიება ჯერ-ჯერობით უცნობია

ექიმების ინფორმაციით, ავტოსაგზაო შემთხვევის შედეგად კლინიკურად მნიშვნელოვანი დაზიანებები არ გამოვლინდა, აქვს თავის ტვინის შერყევა, აქვს კიდურების მრავლობითი დაზიანება.

"შემოსვლისას აღენიშნებოდა მრავლობითი ტრავმული დაზიანებები. გადმოცემით, ტრავმა მიიღო ავტოსაგზაო შემთხვევის შედეგად. ჩატარდა შესაბამისი გადაუდებელი კვლევები. კლინიკურად მნიშვნელოვანი დაზიანებები, საბედნიეროდ, არ გამოვლინდა. აქვს თავის ტვინის შერყევა, აქვს კიდურების მრავლობითი დაზიანება. აქვს ე.წ. რეტროგრადული ამნეზია ანუ მეხსიერების ნაწილობრივი ამოვარდნა, რაღაც პერიოდს ვერ იხსენებს", — განაცხადა ექიმმა "ტვ პირველთან" საუბრისას.