ჰონგ-კონგში კვირას, 15 სექტემბერს გამართულ აქციაზე დემონსტრანტებბის წინააღმდეგ პოლიციამ წყლის ჭავლი და ცრემლსადენი გაზი გამოიყენა. აქციის მონაწილეები კი სამთავრობო შენობებს საწვავის ბომბებსა და აგურებს ესროდნენ.

BBC-ის ინფორმაციით, მანამდე ასობით მომიტინგე დიდი ბრიტანეთის საკონსულოსთან შეიკრიბა, სადაც "ღმერთო, დაიფარე დედოფალი იმღერეს" და მოითხოვეს, რომ ბრიტანეთმა აიძულოს ჩინეთი 1997 წლის შეთანხმება შეასრულოს.

დაპირისპირებისას აქტივისტები წყლის ჭავლისგან თავის დაცვას ქოლგებით ცდილობდნენ. პოლიციამ კი წყლის ჭავლს ლურჯი საღებავი შეურია, რათა დემონსტრანტების ამოცნობა უფრო ადვილი გამხდარიყო.

ფოტო: Getty Images

ფოტო: Getty Images

ფოტო: Reuters

ფოტო: Getty Images

ფოტო: AFP

ივნისის შემდეგ ჰონგ-კონგში საპროტესტო მუხტი არ ნელდება. მოქალაქეები ქუჩაში ექსტრადიციის შესახებ სადაო კანონპროექტის გასაპროტესტებლად გამოვიდნენ, თუმცა პროტესტი კანონპროექტს გასცდა და ჰონგ-კონგისთვის დამოუკიდებლობის შენარჩუნების მსვლელობად იქცა. ჰონგ-კონგის ხელისუფლებამ საბოლოოდ კანონპროექტზე უარი თქვა, თუმცა დემონსტრანტები აქციების შეჩერებას არ აპირებენ.

ჰონგ-კონგს დიდი ბრიტანეთის კოლონიის სტატუსი 1997 წელს ჩამოერთვა და ჩინეთის შემადგენლობაში იმ პირობით შევიდა, რომ ფართო ავტონომია ექნებოდა, გარდა თავდაცვითი და საგარეო საკითხებისა, ის დამოუკიდებლად მიიღებდა გადაწყვეტილებებს.

მაშინდელი ლიდერები საზოგადოებას დაჰპირდნენ, რომ ჰონგ-კონგი, მაკაო და შეერთების შემთხვევაში ტაივანი, შეინარჩუნებდა პრინციპს — ერთი ქვეყანა, ორი სისტემა.

ამავე თემაზე: