სამხრეთ ოსეთის დე ფაქტო ხელისუფლება აცხადებს, რომ ინციდენტების პრევენციისა და მათზე რეაგირების მექანიზმის ფორმატის ფარგლებში ქართულ მხარეს ტექნიკური ხასიათის შეხვედრა შესთავაზა. როგორც პოსკონფლიქტურ საკითხებში ცხინვალის წარმომადგენელმა, მურატ ჯიოევმა განაცხადა, ტექნიკური ხასიათის შეხვედრა საგუშაგოს აღმართვის ტერიტორიაზე გაიმართება.

გუშინ, 29 აგვისტოს სოფელ ერგნეთში ინციდენტების პრევენციისა და მათზე რეაგირების მექანიზმის შეხვედრა ჩაიშალა. დე-ფაქტო რეჟიმის წარმომადგენელმა, ეგორ კოჩიევმა განაცხადა, რომ მათ ქართული მხარისგან სოფელ ჩორჩანას საგუშაგოს აღება და "პროვოკაციების შეწყვეტა მოითხოვეს". შეხვედრა კი "ქართული მხარის მიერ კონსტრუქციულ დიალოგზე არწასვლის" გამო დატოვეს.

ეროვნული უსაფრთხოების საბჭოს აპარატის უფროსი, კახაბერ ქემოკლიძე ამბობს, რომ ოსური მხარისგან ულტიმატუმის პათოსით საუბარი [საგუშაგოს დაშლაზე] გაუგებარი და "კატეგორიულად მიუღებელია". მისივე თქმით, ხაშურის მუნიციპალიტეტის სოფელ ჩორჩანასთან არსებული ტერიტორია 2008 წლის ომამდეც და მის შემდეგაც მიიჩნეოდა ცენტრალური ხელისუფლების მიერ კონტროლირებად ტერიტორიად.

ამავე თემაზე: