თბილისის ღამის ავტობუსი – თავშესაფარი ბორბლებზე
ორი წლის წინ აეროპორტისა და დედაქალაქის ცენტრის დასაკავშირებლად თბილისში ღამის ავტობუსი დაინიშნა. დღეს მას უსახლკაროთა თავშესაფრის ფუნქცია აქვს შეთავსებული.
სტატია თავდაპირველად გამოქვეყნდა OC Media-ზე.
2017 წლის თებერვალში 37-ე ნომერმა ავტობუსმა, რომელიც სადგურის მოედნიდან აეროპორტის მიმართულებით დადის, 24-საათიან რეჟიმში დაიწყო მოძრაობა. მოძველებული პატარა, ყვითელი ავტობუსები თანამედროვე დიდი, ლურჯი, გათბობით აღჭურვილი მოდელებით ჩანაცვლდა.
ღამის ავტობუსები თბილისის მერიამ იმ ტურისტებისა და ადგილობრივი მოსახლეობისთვის დანიშნა, რომელთაც ტაქსიში დიდი თანხის გადახდა არ სურთ. თუმცა, ქალაქის ერთადერთი ღამის ავტობუსი მალევე გადაიქცა მიუსაფართა მოძრავ თავშესაფრად, სადაც 50 თეთრის სანაცვლოდ ღამის თბილად გატარებაა შესაძლებელი.
თუ თავდაპირველად ავტობუსის უკანა რიგებში ზამთრის ცივ ღამეებს მხოლოდ ორი-სამი ადამიანი ათევდა, დღეისათვის თითოეული ავტობუსი შვიდამდე ადამიანს იფარებს, მათი პირად ნივთებიანად.
თბილისის ღამის ავტობუსების უსახლკარო მგზავრების უმრავლესობა უკანა სავარძლებზე, ძრავის სიახლოვეს ჯდომას არჩევს. აქ მეტი სითბო და სივრცეა.
პირველი ღამის ავტობუსები სადგურის მოედანზე 23:30-ზე შედიან. დაახლოებით ამ დროისთვის უსახლკარო ადამიანთა ჯგუფიც იკრიბება. ისინი ავტობუსებში ორ-ორად ან სამ-სამად ნაწილდებიან, რათა დარწმუნდნენ, რომ ერთ ავტობუსში ბევრი ადამიანი არ მოიყრის თავს.
ზოგიერთი მათგანი ალკოჰოლის ზემოქმედების ქვეშაა და ასვლისთანავე იძინებს. ისინი მთელ ღამეს ავტობუსში ატარებენ. სხვები კი აეროპორტთან ჩამოდიან, რათა მომდევნო ავტობუსს დაელოდონ.
აეროპორტის პერსონალი და ავტობუსის მძღოლები ამ პროცესს კარგად იცნობენ.
"ეს არა მხოლოდ არასასიამოვნოა, ქვეყნის სირცხვილიცაა. საზოგადოების, ჩვენი სირცხვილი", - ამბობს ავტობუსის მძღოლი, ოლეგ ხუცილავა, - "ეს ადამიანები [მოსკოვის პროსპექტზე არსებულ] თავშესაფარში იმიტომ არ მიდიან, რომ იქ სიმთვრალის ან არაჰიგიენურობის გამო არ უშვებენ. ამიტომაც აქ მოდიან. ბილეთის ყიდვის შემდეგ მათ სხვა მგზავრების მსგავსი უფლებები აქვთ. ჩვენ ისინი გვეცოდებიან, თუმცა, ამასთან, ეს ჩვენთვის დამატებითი სტრესიცაა".
ხუცილავა რამდენიმე შემთხვევას იხსენებს, როდესაც ერთ-ერთმა უსახლკარომ ავტობუსში მოშარდა. ამის შემდეგ მას ავტობუსის აფთიაქთან გაჩერება და ყველაფრის მოსუფთავება მოუწია. ღამის საათებში კონტროლიორები არ მუშაობენ, ამიტომაც მძღოლს არავინ ეხმარება.
მეორე პრობლემა უსაფრთხოებაა. "ყოველ ღამე მეშინია, რომ ავტობუსის მობრუნებისას რომელიმე მათგანი რამეს თავს მიარტყამს. ზოგი მათგანი ითიშება და კიდურებსაც ვერ აკონტროლებს. მგზავრთა უსაფრთხოებაზე პასუხისმგებლობა კი მე მაკისრია", - ამბობს ხუცილავა.
მძღოლს არ აქვს უფლება, მგზავრს ჩასვლა მოსთხოვოს, თუმცა მას შეუძლია, მთვრალ ან აგრესიულ ადამიანს ამოსვლა აუკრძალოს. მიუხედავად ამისა, ზოგი უსახლკარო იმ დროს იპარება ავტობუსში, როცა მძღოლი საჭმელად ან მოსაწევადაა გადასული. ამოსვლის შემდგომ კი თავს აჩვენებენ, თითქოს, ჩაეძინათ.
ხუცილავას თქმით, მგზავრთა უმრავლესობა ახალგაზრდები არიან; ამასთან, ხშირად - განათლებულებიც. "ამის შემჩნევა მათი ლაპარაკიდანაა შესაძლებელი", - ამბობს ის.
"რამდენიმე ღამის წინ ჩემი ადგილი 17 წლის ბიჭს დავუთმე", - იხსენებს ერთ-ერთი უსახლკარო მგზავრი, - "ის ჩემი ძმისშვილის ხელა იქნებოდა. [...] მოგვიანებით კიდევ მითხრა, შენნაირი ძმის ყოლას ვისურვებდიო; მაშინ, შესაძლოა, ავტობუსში ღამის გათენებაც არ დამჭირვებოდაო".
სხვა მგზავრები, რომლებიც, ძირითადად, ღამის ცვლაში მომუშავეები ან დილაადრიან სამუშაოზე მიმავალი ადამიანები არიან, ამ სიტუაციას თითქოს შეეჩვიენ კიდეც.
"ადამიანებს გული შესტკივათ. მთვრალი ადამიანის ავტობუსიდან ჩაგდება რთული არაა, მაგრამ ისინი ყველას ეცოდება", - ამბობს ხუცილავა.
ამასობაში კი, იმ მგზავრების უმრავლესობა, რომელთათვისაც ღამის რეისები დაინიშნა, ავტობუსებით არც კი სარგებლობს. აეროპორტის გაჩერებაზე უმეტესწილად ის უსახლკაროები ჩამოდიან, რომლებიც იქ მერე მომდევნო რეისს ელოდებიან.
საჯარო საჩივრები უმეტესად ცუდ სუნს, მგზავრობის უსაფრთხოებასა და იმაზე წუხილს ეხება, რომ ასე ახლადჩამოსულ ტურისტებს ქალაქზე ცუდი წარმოდგენა ექმნებათ. ეს პრობლემა სოციალურ ქსელებში ფართო განხილვის საგანია. თუმცა, თბილისის სატრანსპორტო კომპანია აცხადებს, რომ უსახლკაროებისთვის ავტობუსში ასვლის ასაკრძალად არანაირი მექანიზმი არ გააჩნიათ.
"ერთი პერიოდი კონტროლიორების ჯგუფები დავნიშნეთ, რათა მგზავრთა ბილეთები შეემოწმებინათ, მაგრამ სამგზავრო ბილეთის აღება უსახლკაროებმაც დაიწყეს. ახლა სხვა გზებს ვეძებთ", - ამბობს კომპანიის წარმომადგენელი, ლელა თოფურიძე.
მართალია, კახა კალაძემ განაცხადა, რომ "ავტობუსიდან იმ ადამიანების ჩაგდება, ვინც იქ ღამეს ათენებს, არ შეიძლება", მაგრამ თბილისის მერს არც ახალი თავშესაფრების მშენებლობა დაუანონსებია.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
კომენტარები