ქართული ოცნების პარლამენტმა მესამე მოსმენით დაამტკიცა ინიციატივა, რომელიც სპეციალური საგამოძიებო სამსახურის გაუქმებას ითვალისწინებს. კანონპროექტს მხარი ერთხმად, 85-მა დეპუტატმა დაუჭირა.

ცვლილებების მიხედვით, გაუქმდა როგორც თავად სპეციალური საგამოძიებო სამსახური, ასევე მისი ხელმძღვანელის, პირველი მოადგილისა და მოადგილის თანამდებობები. აღნიშნული უწყების საგამოძიებო უფლებამოსილება პროკურატურას გადაეცა და ყველა ის სისხლის სამართლის საქმე, რომლებიც აქამდე სპეციალური სამსახურის კომპეტენციაში შედიოდა, ახლა პროკურატურის გამოკვლევის საგანი გახდება.

კანონპროექტის ინიციატივის ავტორები ქართული ოცნების დეპუტატები არიან.