Deliver Me From Nowhere — ჯერემი ალენ უაითი ბრუს სპრინგსტინის როლში

The Bear-ის ვარსკვლავი, ჯერემი ალენ უათი მუსიკალური ლეგენდის, ბრუს სპრინგსტინის როლს შეასრულებს. შეგიძლიათ უკვე იხილოთ Springsteen: Deliver Me From Nowere-ის ტრეილერი, რომელიც Boss-ის შესახებ გადაღებული მუსიკალური ბიოგრაფიული ფილმია.

სკოტ კუპერის რეჟისორობით განხორციელებული პროექტი უორენ ზეინსის წიგნიდან იღებს ინსპირაციას, რომელიც სპრინგსტინის 1982 წლის ძალიან პერსონალური ალბომის, ნებრასკას შექმნის შესახებ მოგვითხრობს.

უაითის გარდა, მსახიობებს შორის არიან ჯერემი სტრონგი ჯონ ლანდაუს, სპრინგსტინის მენეჯერის როლში;

**Jeremy Strong – Succession**

ფოტო: HBO

სტივენ გრეჰემი (მოზარდობა) სპრინგსტინის მამის, დუგლასის როლში;

**Stephen Graham – Adolescence**

ფოტო: Netflix

პოლ უოლტერ ჰაუზერი (რიჩარდ ჯუელი) ხმის ჩამწერი ინჟინერი მაიკ ბატლანის როლში; ოდესა იანგი (ორდერი), სპრინგსტინის სასიყვარულო ინტერესის, ფეის როლში; მარკ მარონი (ბრწყინვალება) პროდიუსერის, ჩაკ პლოტკინის როლში;

**Marc Maron – Glow**

ფოტო: The Hollywood Reporter

ჯონი კანიცარო (Jersey Boys) E Street Band-ის გიტარისტ სტივ ვან ზანდტის როლში; ჰარისონ გილბერტსონი სპრინგსტინის მეგობრის, მეტ დელიას როლში და დევიდ კრუმჰოლცი (ოპენჰაიმერი) Columbia Records-ის აღმასრულებელი დირექტორის, ალ ტელერის როლში.

**David Krumholtz – Oppenheimer**

ფოტო: Pictorial Press Ltd

Deliver Me From Nowhere მუსიკალური ლეგენდის შესახებ გადაღებული უახლესი ბიოგრაფიული ფილმია. აღსანიშნავია ის, რომ ოსკარის დაჯილდოების ცერემონიაზე ისეთი ბიოგრაფიული ფილმები გამოჩნდა, რომლებიც ცნობილი მომღერლებისა თუ მუსიკოსების ცხოვრებას აღწერენ, როგორებიცაა: ბობ დილანი: ყველასთვის უცნობი; ელვისი და ბოჰემიური რაფსოდია. გასულ წელს ტიმოთი შალამე ბობ დილანის როლის შესრულებისთვის საუკეთესო მსახიობის ნომინაციაში იყო ნომინირებული, ხოლო რამი მალეკმა გაიმარჯვა ფრედი მერკურის როლის შესრულებისთვის ფილმში ბოჰემური რაფსოდია. ოსტინ ბატლერმა BAFTA-ს ჯილდო მიიღო ელვის პრესლის როლის შესრულებისთვის ფილმში ელვისი.

Deliver Me From Nowhere Disney-ის 20th Century Studios-ის მიერ არის გადაღებული და მისი პროდიუსერები არიან სკოტ სტუბერი, Gotham Group-ის ელენ გოლდსმით-ვეინი და ერიკ რობინსონი, რომლებმაც პროექტის შემუშავებაში მიიღეს მონაწილეობა. პროექტში ასევე მონაწილეობენ სპრინგსტინი და ლანდაუ.

ფილმი კინოთეატრებში წელს, 24 ოქტომბერს გამოვა.

იხილეთ ოფიციალური თრეილერი:

ბოლო ამბები:

გირჩევთ