ავსტრალიამ დასავლეთ იერუსალიმი ისრაელის დედაქალაქად აღიარა. ამის შესახებ ქვეყნის პრემიერ-მინისტრმა, სცოტ მორისონმა განაცხადა. თუმცა ავსტრალიის საელჩო ისევ თელ-ავივში დარჩება, სანამ, პრემიერის თქმით, კონფლიქტი არ დარეგულირდება. გარდა ამისა, მორისნმა აღნიშნა, რომ ავსტრალია პალესტინელების აღმოსავლეთ იერუსალიმის დედაქალაქად აღიარების სწრაფვას აღიარებს.

მორისონის თქმით, დასავლეთ იერუსალიმში საელჩოს გადატანამდე იქ სამხედრო და სავაჭრო წარმომადგენლობა შეიქმნება. მან, ასევე, ხაზი გაუსვა, რომ ახლო აღმოსავლეთში ლიბერალური პოლიტიკის მხარდამჭერია.

იერუსალიმის სტატუსი ისრაელ-პალესტინის კონფლიქტის საფუძველია. ისრაელი ამტკიცებს, რომ "წმინდა ქალაქი მათი განუყოფელი და მუდმივი ნაწილია" მაშინ, როდესაც პალესტინელები ამბობენ, რომ ისრაელს აღმოსავლეთ იერუსალიმი, რომელიც ისრაელს 1967 წლიდან ოკუპირებული აქვს, მათი დედაქალაქია.

ისრაელის სუვერენიტეტი ისრაელზე საერთაშორისო დონეზე აღიარებული არ არის. ისრაელ-პალესტინი სამშვიდობო შეთანხმების მიხედვით, იერუსალიმის სტატუსი მშვიდობიანი მოლაპარაკებების ბოლო ეტაპზე უნდა განიხილონ.

1967 წლის შემდეგ დასავლეთ იერუსალიმში ისრაელმა დასახლებებში შექმნა, სადაც 200 ათასზე მეტი ებრაელი ცხოვრობს. საერთაშორისო დონეზე აღნიშნული დასახლებები უკანონოდ არის მიჩნეული.

ავსტრალიის პრემიერ-მინისტრი იერუსალიმის აღიარებაზე ჯერ კიდევ ოქტომბერში საუბრობდა. მორისონის წინამორბედი აშშ-ს მსგავსად იერუსალიმში საელჩოს გადატანას გამორიცხავდა.

აშშ-მა თელ-ავივიდან იერუსალიმში საელჩოს გადატანა მას შემდეგ გადაწყვიტა, რაც ქვეყნის პრეზიდენტმა, დონალდ ტრამპმა ქალაქი ისრაელის დედაქალაქად აღიარა. საელჩო 14 მაისს გაიხსნა, რასაც პალესტინელების პროტესტი მოყვა. აშშ-ის მსგავსად იერუსალიმში საელჩოს გადატანა გადაწყვიტა გვატემალამაც. მსგავსი გადაწყვეტილება მიიღო პარაგვაიმ, თუმცა ხელისუფლების შეცვლის შემდეგ გადაწყვეტილება გაუქმდა.

აშშ-ის მიერ იერუსალიმის აღიარებამ მუსლიმური ქვეყნები გააღიზიანა. ისლამური თანამშრომლობის ორგანიზაციამ, რომელშიც 57 მუსლიმური ქვეყანა არის გაერთიანებული, იერუსალიმი პალესტინის დედაქალაქად გამოაცხადა.

2017 წლის 21 დეკემბერს, გაერთიანებული ერების ორგანიზაციამ აშშ-ის პრეზიდენტ დონალდ ტრამპის გადაწყვეტილება იერუსალიმის ისრაელის დედაქალაქად აღიარების შესახებ დაგმო, 128 ხმით 9-ის წინააღმდეგ. ხოლო, 35-მა სახელმწიფომ, როგორიცაა კანადა, მექსიკა და ავსტრალია კენჭისყრაში მონაწილეობა არ მიიღო. თავი შეიკავა საქართველომაც.