ადამიანის უფლებათა ევროპულმა სასამართლომ საქართველოს ახალგაზრდა იურისტთა ასოციაციის (საია) აცნობა, რომ მზია ამაღლობელის საქმეზე დაწყებულია განხილვა. ამის შესახებ განცხადება საქართველოს ახალგაზრდა იურისტთა ასოციაციის ხელმძღვანელმა, ნონა ქურდოვანიძემ გაავრცელა.

"ორ თვეზე ნაკლებში დაკომუნიცირდა მზიას საქმე სტრასბურგში, ყველა არსებით დარღვევაზე, რაც ამ ეტაპზე შეიძლებოდა გასაჩივრებულიყო.

ამ საქმეს შეიძლება მნიშვნელოვანი ზეგავლენის სტატუსი (Impact Case) მიენიჭოს.

როგორც საზოგადოებისთვის ცნობილია, 2025 წლის 28 აპრილს, საქართველოს ახალგაზრდა იურისტთა ასოციაციამ მზია ამაღლობელის მიმართ ყველაზე მკაცრი აღკვეთის ღონისძიების

საჩივარში აღნიშნულია, რომ მზია ამაღლობელის მიმართ დაირღვა ადამიანის უფლებათა ევროპული კონვენციის ისეთი ფუნდამენტური უფლებები, როგორებიცაა - თავისუფლებისა და უსაფრთხოების უფლება (კონვენციის მე-5 მუხლი), საქმის სამართლიანი განხილვის უფლება (კონვენციის მე-6 მუხლი), პირადი და ოჯახური ცხოვრების დაცულობის უფლება (კონვენციის მე-8 მუხლი), გამოხატვის თავისუფლება (კონვენციის მე-10 მუხლი), კონვენციის მე-13 მუხლი მე-8 და მე-10 მუხლებთან ერთობლიობაში (სამართლებრივი დაცვის ქმედითი საშუალების უფლება), უფლების შეზღუდვათა გამოყენების ფარგლები (კონვენციის მე-18 მუხლი)", — ნათქვამია საია-ს მიერ გავრცელებულ ინფორმაციაში.