"თუ ის ნებაყოფლობით არ წავა, სომეხთა სამოციქულო წმინდა ეკლესიის ერთგული სამწყსო მას ქრისტიანული წესით გადააყენებს", — ამის შესახებ სოციალურ ქსელში სომხეთის პრემიერმინისტრი ნიკო ფაშინიანი სრულიად სომეხთა კათოლიკოს-პატრიარქ გარეგინ I-ზე წერს.

მისი თქმით, გარეგინ I-მა "დედა საყდარი უნდა დატოვოს".

"რა უფლება აქვს ჯგუფს, რომელმაც დაარღვია ღვთისმოსაობის აღთქმა და უღალატა იესო ქრისტეს, ისაუბროს სამართლიანობასა და სანდოობაზე?

ჯგუფს არ აქვს უფლება ისაუბროს დედა საყდრის სახელით. გაბედულმა, რომელმაც შებილწა დედა საყდარი, უნდა დატოვოს საყდარი.

თუ ის ნებაყოფლობით არ წავა, სომეხთა სამოციქულო წმინდა ეკლესიის ერთგული სამწყსო მას ქრისტიანული წესით გადააყენებს. ამაღლდეს საყდარი!", — წერს სომხეთის პრემიერმინისტრი ნიკოლ ფაშინიანი.

როგორც OC-MEDIA წერს, ფაშინიანსა და ეკლესიას შორის დაძაბულობამ პიკს მას შემდეგ მიაღწია, რაც ფაშინიანმა მაისის ბოლოს განაცხადა, რომ ეკლესიები "საწყობებად" იქცა და რომ სასულიერო პირები თავიანთ უბიწოების აღთქმას არღვევენ. ასევე, ფაშინიანმა გარეგინ II შვილის ყოლაში დაადანაშაულა.

ფაშინიანის თქმით, მან ეს საკითხი იმიტომ წამოჭრა, რომ როგორც სომხეთის სამოციქულო ეკლესიის მორწმუნემ დაინახა "სულიერი უსაფრთხოებისთვის შექმნილი საფრთხე", ხოლო როგორც პრემიერმინისტრმა – "ეროვნული უსაფრთხოებისთვის შექმნილი საფრთხე".

ფაშინიანის ბრალდებების შემდეგ, მთავრობასთან დაკავშირებულმა მედიასაშუალებებმა გარეგინ II-ის სავარაუდო შვილის ფოტო და სახელი გაავრცელეს.