გვატემალა საელჩოს თელ-ავივიდან იერუსალიმში გადაიტანს
![](http://monica.on.ge/2017/12/25/gvat_5a40cadd70cb5.jpg)
გვატემალის პრეზიდენტმა, ჯიმი მორალესლმა, გვატემალის საელჩოს თელ-ავივიდან იერუსალიმში გადატანის განკარგულება გასცა. ამის შესახებ ცნობილი პრეზიდენტის ოფიციალური ფეისბუკგვერდიდან გახდა. ფეისბუკპოსტში მორალესმა განმარტა, რომ გადაწყვეტილება ისრაელის პრემიერ-მინისტრთან გამართული სატელეფონო საუბრის შემდეგ მიიღო.
წინა კვირაში გაეროს გენერალური ასამბლეის გამართულ სხდომაზე, გვატემალა იყო ერთ-ერთი იმ შვიდი სახელმწიფოსგან, რომელმაც არ დაუჭირა მხარი რეზოლუციის პროექტს. რეზოლუცია აშშ-სგან მოითხოვდა გადაეხედა გადაწყვეტილება იერუსალიმის ისრაელის დედაქალაქად აღიარებასთან დაკავშირებით. რეზოლუციის პროექტის ასევე ეწინააღმდეგებოდა აშშ-ს საელჩოს გადატანას იერუსალიმში.
21 დეკემბერს გაეროს გენერალურმა ასამბლეამ რეზოლუცია მიიღო, რომელიც ეწინააღმდეგებოდა იერუსალიმის აღიარებას ისრაელის დედაქალად. რეზოლუციის პროექტს მხარი 128 სახელმწიფომ დაუჭირა, 35 სახელმიფომ პოზიციის დაფიქსირებისგან თავი შეიკავა. რეზოლუციის წინააღმდეგ სულ 9 სახელმწიფოს გამოვიდა, ესენია: აშშ, ისრაელი, გვატემალა, ჰონდურასი, მარშალის კუნძულები, მიკრონეზია, ნაურუ, პალაუ და ტოგო.
რეზოლუციის არცერთ ნაწილშია ნახსენები უშუალოდ აშშ, თუმცა ნათქვამია, რომ ნებისმიერ გადაწყვეტილება იერუსალიმის სტატუსთან დაკავშირებით უნდა გაბათილდეს. გენერალური ასამბლეის რეზოლუციას მხოლოდ რეკომედაციის ძალა აქვს და არ ითვალისწინებს საპირისპირო ზომებს თუ სანქციებს, განსხვავებით უშიშროების საბჭოს მიერ მიღებული რეზოლუციისგან, რომლის შესრულება სავალდებულოა.
გვატემალის პრეზიდენტის გადაწყვეტილებას წინ უსწრებდა აშშ-ს პრეზიდენტის განცხადება. აშშ-ს პრეზიდენტი, დონალდ ტრამპი ფინანსური დახმარების შეწყვეტით დაემუქრა იმ ქვეყნებს, რომლებიც აშშ-ს გადაწყვეტილების საწინააღმდეგო პოზიციას დააფიქსირებდნენ. აშშ გვატემალასთვის ყველაზე მნიშვნელოვანი დონორი ქვეყანაა. აშშ გვატემალასთვის ყველაზე დიდი ეკონომიკური პარტნიორია.
4 დეკემბერს აშშ-ს პრეზიდენტმა ოფიციალურად აღიარა იერუსალიმი ისრაელის დედაქალად. ისრაელის დაარსების დღიდან აშშ გახდა პირველი სახელმწიფო რომელმაც იერუსალიმი ისრაელის დედაქალაქად სცნო, ამავდროულად, ტრამპმა სახელმწიფო დეპარტამენტს უბრძანა დაიწყონ მზადება საელჩოს გადატანის პროცესისთვის თელ-ავივიდან იერუსალიმში.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები