Marvel Studios დიდი ხნის ნანატრი ფილმის — ფანტასტიკური ოთხეული: პირველი ნაბიჯების ახალ პოსტერს ავრცელებს. სუპერგმირების ამბის ნახვა კინოთეატრებში 2025 წლის 25 ივლისიდან იქნება შესაძლებელი.

ფილმის უახლეს ტრეილერში მაყურებელი მარველის ლეგენდარულ ბოროტმოქმედს, გალაქტუსს გაეცნო:

"ფანტასტიკური ოთხეული: პირველი ნაბიჯები 1960-იანი წლებით ინსპირირებული, რეტრო-ფუტურისტული ფილმია, რომელიც მარველის პირველ ოჯახს გვაცნობს: რიდ რიჩარდსი — მისტერ ფანტასტიკური, სიუ სტორმი — უხილავი ქალი, ჯონი სტორმი — ადამიანი ჩირაღდანი და ბენ გრიმი — არსება. ისინი ყველაზე რთული გამოწვევის წინაშე დგანან", ვკითხულობთ ოფიციალურ სინოფსისში. "სამყაროს გადარჩენის ფონზე ოთხეული იძულებულია, იპოვოს ბალანსი გმირობასა და ოჯახურ ურთიერთობებს შორის. მათი ვალია დედამიწა კოსმოსური ღმერთის — გალაქტუსისა და მისი იდუმალი მაცნის, სილვერ სერფერისგან დაიცვას. და თუ გალაქტუსის გეგმა — შთანთქას მთლიანი პლანეტა და ყველა მისი მაცხოვრებელი — საკმარისად ცუდი არ იყო, უცბად ყველაფერი პირადულ ხასიათს იღებს".

ახალი პოსტერი

ახალი პოსტერი

ფოტო: Marvel Studios

ვინაა გამოსახული ახალ პოსტერზე?

პოსტერზე წარმოდგენილია ფილმის მთავარი პერსონაჟები:

პედრო პასკალი — მისტერ ფანტასტიკური

ვანესა კირბი — უხილავი ქალი

ჯოზეფ ქვინი — ადამიანი ჩირაღდანი

ებონ მოს-ბაქრაქი — არსება

პოსტერზე ასევე ვხედავთ მთავარ ბოროტმოქმედებს:

ჯულია გარნერი — სილვერ სერფერი

რალფ ინესონი — გალაქტუსი

ფილმის რეჟისორი მეტ შეკმენია, რომელმაც მარველისთვის ამ ფილმის გარდა მინისერიალი WandaVision-ის ცხრავე ეპიზოდი გადაიღო. ფილმში ასევე მონაწილეობენ მსახიობები: ნატაშა ლიონი, ჯონ მალკოვიჩი და პოლ უოლტერ ჰაუზერი, თუმცა მათი როლები ჯერ უცნობია. მანამ, სანამ ამ ფილმის უფლებები მარველს გადაეცემოდა, Sony Pictures-მა ორჯერ შემოგვთავაზა მისი ადაპტაცია, რომელშიც ადამიანი ჩირაღდნის როლს კრის ევანსი თამაშობდა.

ფოტო: 20th Century Fox