არაბთა გაერთიანებული საემიროების პრეზიდენტი შეიხ ხალიფა ბინ ზაიედ ალ ნაჰიანი ლონდონში 1.2 მილიარდი ფუნტის ღირებულების უძრავ ქონებას ფლობს. ამის შესახებ პანამის დოკუმენტების გაჟონვის შედეგად გახდა ცნობილი.

შეიხი ლონდონის ცენტრში რამდენიმე შენობას ფლობს, რომლებსაც დიზაინერები - ჰერმესი, სტელა მაკარტნი და სხვები ქირაობენ.

გარდა საემიროების პრეზიდენტისა, ლონდონში მდებარე უძრავ ქონებას პაკისტანის პრემიერ-მინისტრი და ნიგერიის სენატის თავმჯდომარეც ფლობენ, მათ შორის:

  • ლეონიდ ფედუნი - რუსი ბიზნესმენი - ბინა ლონდონში - 23 მლნ. ფუნტი.
  • გერმან ხანი - რუსი ბიზნესმენი - შენობა ლონდონში - 63 მლნ. ფუნტი.
  • ჯავად მარანდი - კონსერვატორთა დონორი - სახლი ლონდონში - 3.5 მლნ. ფუნტი.
  • აიად ალავი - ერაყის პრემიერი - სახლი ლონდონში - 2.8 მლნ. ფუნტი.

ჟურნალისტური გამოძიების თანახმად, გაერთიანებულ სამეფოში მდებარე 170 მილიარდი ფუნტის ($239 მილიონი) უძრავი ქონება ოფშორში დარეგისტრირებული კომპანიების ბალანსზეა. ამ ქონების მფლობელი 3 ათასამდე კომპანია მოსაკ ფონსეკას კლიენტი იყო, ან სწორედ ამ ფირმასთან ჰქონდა სხვადასხვა სახის ურთერთობა.

უძრავი ქონების ბაზარი ფულის გათეთრებისთვის გამოყენების შესახებ გასულ წელს ბრიტანეთის ძალოვანი უწყებების მაღალჩინოსნებიც საუბრობდნენ.

ბრიტანეთის მთავრობაში, გამოძიების დაწყების შესაძლებლობებისა და ოფშორული კომპანიებისთვის მათი ნამდვილი მფლობელების გამჟღავნების იძულების შესახებ, კონსულტაციები მიმდინარეობს

მსოფლიოს 400-მდე ჟურნალისტისთვის ხელმისაწვდომი გახდა იურიდიული ფირმა მოსაკ ფონსეკას საიდუმლო დოკუმენტები. 11 მილიონ საბუთში ცხადად ჩანს, თუ როგორ იყენებდნენ მსოფლიოს ცნობილი პოლიტიკოსები და ბიზნესმენები ე.წ. საგადასახადო სამოთხეებს (ოფშორულ ზონებს) ფულის გასათეთრებლად და გადასახადებისგან თავის ასარიდებლად.