კახა კოჟორიძემ პრეზიდენტის მრჩევლის თანამდებობა დატოვა. ამის შესახებ მას ფეისბუქზე დაწერა. კოჟორიძე პრეზიდენტის მრჩეველი ადამიანის უფლებებისა და მართლმსაჯულების საკითხებში იყო.

როგორც ის წერს, თანამდებობიდან გათავისუფლების შესახებ განცხადება თავისი სურვილით ორი კვირის წინ დაწერა:

"დღეს არის ჩემი ბოლო სამუშაო დღე პრეზიდენტის მრჩევლის თანამდებობაზე", - მისივე თქმით, ის საადვოკატო საქმიანობას დაუბრუნდება.

კახა კოჟორიძის ბიოგრაფია

კახა კოჟორიძე პრეზიდენტის მრჩევლის თანამდებობაზე 2015 წელს დაინიშნა.

2013-2014 წლებში იყო არასამთავრობო ორგანიზაციათა კოალიციის დამოუკიდებელი და გამჭვირვალე მართლმსაჯულებისთვის თავმჯდომარე. მონაწილეობდა ადამიანის უფლებათა დაცვის ეროვნული სტრატეგიისა და სამოქმედო გეგმის შემუშავებაში. 2013 წლიდან არის საქართველოს სახელმწიფო საკონსტიტუციო კომისიის წევრი.

2012-2014 წლებში კოჟორიძე იყო საქართველოს ახალგაზრდა იურისტთა ასოციაციის თავმჯდომარის თანამდებობაზე. ამავე ორგანიზაციაში 2007-2009 წელს მუშაობდა იურისტად. 2009-ში კი დაინიშნა იურიდიული დახმარების ცენტრის დირექტორად და იმავე წელს აირჩიეს გამგეობის წევრად

2005-2007 წლებში ეწეოდა კერძო საადვოკატო საქმიანობას.