სოციალურ ქსელში ვრცელდება კადრები, სადაც ჩანს, როგორ ეჯახება მსუბუქი ავტომობილი ტროტუარზე გამვლელ ქალს და მეორე მანქანას ანარცხებს. მძღოლი ქალია, რომელიც მანქანის შეჯახების შემდეგ მანქანიდან გადმოდის და დაშავებულ ქალს ფოტოს/ვიდეოს უღებს.

შემთხვევა 2 კვირის წინ, თბილისში, ცოტნე დადიანის ქუჩაზე მოხდა.

შინაგან საქმეთა სამინისტრომ NEWS.On.ge-ს მომხდარის შედეგად ქვეითის გარდაცვალება დაუდასტურა — დაკავებულია ერთი პირი.

უწყების ცნობით, გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.