შრეკის მოლაქლაქე და საყვარელი თანამგზავრი ყურადღების ცენტრში კიდევ ერთხელ მოექცევა — ანიმაციური ფრენჩაიზი ახალ სპინ-ოფს უშვებს, სახელწოდებით ვირი (Donkey).

კომპანია Universal-მა ვირის პრემიერა 2028 წლის 30 ივნისს დააანონსა. ფილმში ედი მერფი თავის საკულტო როლს დაუბრუნდება. ანიმაცია მოგვიყვება იმის შესახებ, თუ როგორ გახდა ერთი ჩვეულებრივი ვირი ის ვირი, რომელსაც ჩვენ ვიცნობთ.

ფილმის რეჟისორი ჩარლი ბინი იქნება, პროდიუსერი — რებეკა ჰანტლი, ხოლო თანარეჟისორი — მატ ფლინი.

ფოტო: Paramount

სანამ ვირი კინოთეატრებში გამოჩნდება, ზუსტად ერთი წლით ადრე, 2027 წლის ზაფხულში, Universal და DreamWorks შრეკი 5-ს გამოუშვებენ. მაიკ მაიერსი, ედი მერფი და კამერონ დიასი კვლავ დაუბრუნდებიან შორეული სამეფოს მკვიდრი პერსონაჟების — შრეკის, ვირისა და ფიონას როლებს, თუმცა სამსახიობო გუნდს ამჯერად ზენდეიაც შეუერთდება. შრეკი 5-ის რეჟისორები ფრენჩაიზის ვეტერანები — კონრად ვერნონი და უოლტ დორნი იქნებიან.

შრეკის პირველი ნაწილი ეკრანებზე 2000 წელს გამოვიდა. ის მალევე იქცა ნამდვილ ჰიტად, მსოფლიო მასშტაბით თითქმის $500 მილიონი გამოიმუშავა და ანიმაციური ფილმისთვის ისტორიაში პირველი ოსკარიც მოიპოვა. ფილმს მოჰყვა სამი გაგრძელება — შრეკი 2 (2004), შრეკი მესამე (2007) და შრეკი სამუდამოდ (2010), ასევე ჩექმებიანი კატას ორი სპინ-ოფი. ფრენჩაიზის საერთო შემოსავალმა მსოფლიო მასშტაბით $3 მილიარდზე მეტი შეადგინა.

ასევე იხილეთ: