Spider-Man: Brand New Day-ის სიუჟეტი ბოლომდე საიდუმლოდ რჩება.

Stranger Things-ის ვარსკვლავი და თავისი თაობის ერთ-ერთი ყველაზე პოპულარული მსახიობი, სედი სინკი პროექტში შესარჩევი ეტაპის გარეშე დაამტკიცეს. მისი როლი იმდენად გასაიდუმლოებულია, რომ მსახიობი ფილმის არცერთ ტრეილერსა თუ სარეკლამო მასალაში არ გამოჩენილა.

სედი სინკი მაქს მეიფილდის როლში, Stranger Things-ის მეოთხე სეზონი.

ფოტო: Netflix

რეჟისორ დესტინ დანიელ კრეტონთან ფილმში — The Glass Castle — ძველი თანამშრომლობის გამო, სედი სინკს როლი ყოველგვარი კასტინგის გარეშე შესთავაზეს. სცენარი კი მსახიობისთვის მხოლოდ ლონდონში გადასაღებად ჩაფრენის შემდეგ გახდა ცნობილი.

"საიდუმლოს შენახვა არც ისე რთულია, უბრალოდ არავის უნდა გაუმხილო", — აღნიშნა სედი სინკმა ერთ-ერთ ინტერვიუში.

სოციალურ ქსელებში ვარაუდობენ, რომ სედი სინკი ახალგაზრდა ჯინ გრეის როლს მოირგებს. ფანების აზრით, სწორედ მისი პერსონაჟით დაიწყება Marvel-ის სამყაროში X-Men-ის ახალი გუნდის შემოყვანა.

Spider-Man: Brand New Day-ის პოსტერი.

ფოტო: Vital Thrills

"ვიცოდი, რომ Marvel და განსაკუთრებით ადამიანი ობობა უზარმაზარი ბრენდია. მათ უამრავი ფანი ჰყავთ, თუმცა ეს ყველაფერი რეალობაში მაინც გაცილებით მასშტაბური აღმოჩნდა. ტომ ჰოლანდი და მთელი გადამღები ჯგუფი მაქსიმალურად თბილად დამხვდნენ. თავი ძალიან კომფორტულად ვიგრძენი", — აღნიშნა სედი სინკმა.

Spider-Man: Brand New Day-ის პრემიერა კინოთეატრებში 31 ივლისს შედგება. ფილმში სედი სინკთან ერთად ტომ ჰოლანდს, ზენდეისა და ჯეიკობ ბატალონს ვიხილავთ.