მაიკლ ჯექსონის ბიოგრაფიულმა ფილმმა Michael $977 მილიონი გამოიმუშავა და გადაასწრო Oppenheimer-ს, რითაც ყველა დროის ყველაზე მაღალშემოსავლიანი ბიოგრაფიული ფილმი გახდა.

რეჟისორ კრისტოფერ ნოლანის Oppenheimer-ს, რომელიც ბიოგრაფიულ ფილმებს შორის წინა რეკორდსმენი იყო, გლობალურად $975 მილიონი ჰქონდა გამომუშავებული. Michael-მა უკან ჩამოიტოვა Queen-ის შესახებ გადაღებული 2018 წლის სენსაცია Bohemian Rhapsody-ც, რომლის მსოფლიო შემოსავალმაც $911 მილიონი შეადგინა.

ჯექსონის ფილმმა გამოსვლიდან 3 თვის განმავლობაში $607.2 მილიონი უცხოეთში, ხოლო $370.2 მილიონი ამერიკის შიდა ბაზარზე დააგროვა.

ფოტო: Lionsgate

ანტუან ფუკუას რეჟისორობით გადაღებული Michael ასახავს მაიკლ ჯექსონის გზას ჯგუფ Jackson 5-დან პოპის მეფის სტატუსამდე. მაიკლ ჯექსონის როლს მომღერლის ძმისშვილი, ჯაფარ ჯექსონი ასრულებს. მშობლების — ჯოსა და ქეთრინის როლებში კი კოლმან დომინგო და ნია ლონგი გვევლინებიან.

Michael კომპანია Lionsgate-ის ყველა დროის ყველაზე შემოსავლიანი პროექტიც გახდა და 2013 წლის ჰიტს — The Hunger Games: Catching Fire გადაუსწრო ($865 მილიონი). მოსალოდნელია, რომ სტუდია ჯექსონის ცხოვრებაზე მინიმუმ ერთ ფილმს კიდევ გადაიღებს.

ასევე იხილეთ: