ბათუმში ქურდობის და ქურდობის მცდელობის ბრალდებით 3 არასრულწლოვანი წევრი პასუხისგებაში მისცეს. ამის შესახებ ინფორმაციას შინაგან საქმეთა სამინისტრო ავრცელებს.

შსს-ს ცნობით, მიმდინარე წლის 23 ივლისს არასრულწლოვნებმა ბათუმში, წერეთლის ქუჩაზე მდებარე სილამაზის სალონი და ტანსაცმლის მაღაზია გაქურდეს. უწყების ინფორმაციით, მათ იქვე მდებარე სამკერვალოს გაქურდვის მცდელობაც ჰქონდათ, თუმცა შემთხვევის ადგილიდან მიიმალნენ.

შსს-ს თქმით, საქმეზე გამოძიება საქართველოს სისხლის სამართლის კოდექსის 177-ე მუხლის მე-2, მე-3 და მე-4 ნაწილებით და 19-177 მუხლით მიმდინარეობს. ეს მუხლი გულისხმობს წინასწარი შეთანხმებით ჯგუფის მიერ, სადგომში ან სხვა საცავში უკანონო შეღწევით ჩადენილი, დიდი ოდენობით ქურდობის და ქურდობის მცდელობას.