აშშ-ს სახელმწიფო დეპარტამენტის პრესსპიკერმა, რუსთავი 2-ის ჟურნალისტის კითხვის პასუხად განაცხადა, რომ ასადის რეჟიმის გადაწყვეტილება, აფხაზეთისა და სამხრეთ ოსეთის აღიარებაზე, არაგონივრულია:

"ეს ვერც არსებულ რეალობას შეცვლის და ვერც ჩვენს პოზიციას ამ საკითხზე".

სახელმწიფო დეპარტამენტის პრესსპიკერის განცხადებით, მათთვის სიურპრიზი არ ყოფილა სირიის გადაწყვეტილება:

"ბაშარლ ალ-ასადს რუსეთის რეჟიმი უჭერს მხარს. რუსეთის მიერ ოკუპირებული სამხრეთ ოსეთისა და აფხაზეთის რეგიონები საქართველოს განუყოფელი ნაწილებია. ჩვენ განვაგრძობთ საქართველოს სუვერენიტეტის, მისი დამოუკიდებლობისა და ტერიტორიული მთლიანობის მხარდაჭერას, მის საერთაშორისოდ აღიარებულ საზღვრებში".

სირიამ რუსეთისგან ოკუპირებული სამხრეთ ოსეთი და აფხაზეთი დამოუკიდებელ რესპუბლიკებად აღიარა. საქართველომ კი პასუხად სირიასთან დიპლომატიური ურთიერთობა გაწყვიტა.