ამერიკის შეერთებული შტატები მიესალმება საქართველოს მთავრობის საკანონმდებლო წინადადებების პაკეტს, რომელიც ადმინისტრაციული საზღვრების გასწვრივ კავშირების გაუმჯობესებისკენაა მიმართული.

"ეს ღონისძიებები მიმართულია ყველაზე მოწყვლადი მოსახლეობის საჭიროებების დაკმაყოფილებისკენ ადმინისტრაციული საზღვრის ორივე მხარეს და უზრუნველყოფს მობილობის შესაძლებლობების ზრდას, საარსებო სახსრების გაუმჯობესებასა და განათლების ხელმისაწვდომობას. აშშ მიესალმება საქართველოს ერთგულებას დიალოგისა და კონფლიქტის მშვიდობიანი მოგვარებისადმი", - ნათქვამია აშშ-ს საელჩოს განცხადებაში.

სალჩოს განცხადების თანახმად, ამერიკის შეერთებული შტატები კიდევ ერთხელ სრულად უჭერს მხარს საქართველოს საერთაშორისოდ აღიარებულ საზღვრებში, მის ტერიტორიული მთლიანობასა და სუვერენიტეტს.

პრემიერ-მინისტრმა გიორგი კვირიკაშვილმა დღეს, მთავრობის 4 აპრილის სხდომაზე, ახალი სამშვიდობო ინიციატივა გააჟღერა. მთავრობის ნაბიჯი მიზნად ისახავს აფხაზეთსა და ცხინვალის რეგიონებში მცხოვრები მოსახლეობის ჰუმანიტარული და სოციალურ-ეკონომიკური მდგომარეობის გაუმჯობესებას. ასევე, ნდობის აღდგენას და შერიგების პროცესის გააქტიურებას.