თბილისში, ვაკეში, საცხოვრებელი ბინა დააყაჩაღეს. ამის შესახებ On.ge-ს შინაგან საქმეთა სამინისტროში განუცხადეს. დეტალები ამ ეტაპზე უცნობია.

უწყება საქმეს ორი მუხლით იძიებს. სისხლის სამართლის კოდექსის 179-ე მუხლით პასუხისმგებლობა პირს ყაჩაღობისთვის ეკისრება, 236-ე მუხლისთვის კი - იარაღის უკანონო შეძენა-შენახვა-ტარებისთვის. ბრალის დამტკიცების შემთხვევაში რვიდან 12 წლამდე თავისუფლების აღკვეთაა გათვალისწინებული.