შინაგან საქმეთა სამინისტროს ინფორმაციით, ერთიანი ნაციონალური მოძრაობის მესტიის საკრებულოს დეპუტატი პირადი კონფლიქტის საფუძველზე დაწყებული ურთიერთშელაპარაკების დროს მოკლეს. დეპუტატი საავადმყოფოში მიყვანამდე გარდაიცვალა.

შინაგან საქმეთა სამინისტროსთვის სავარაუდო დამნაშავის ვინაობა ცნობილია და მის დასაკავებლად სამძებრო და საგამოძიებო მოქმედებებს ატარებს.

საქმეზე გამოძიება სისხლის სამართლის კოდექსის 108-ე (განზრახ მკვლელობა) და 236-ე (იარაღის უკანონო შეძენა-შენახვა) მუხლებით მიმდინარეობს. ბრალის დამტკიცების შემთხვევაში სავარაუდო დამნაშავეს 7-დან 15 წლამდე პატიმრობა ემუქრება.

ერთიანი ნაციონალური მოძრაობის დეპუტატი, ლომარ ნიგურიანი დღეს, 25 დეკემბერს ჩაცხრილეს.