საქართველოს შინაგან საქმეთა სამინისტროს თანამშრომლებმა ვისოლის ავტოგასამართი სადგურის დაყაჩაღების ბრალდებით ერთი პირი დააკავეს. უწყების პრესსამსახურში ამბობენ, რომ ბრალდებულმა ვისოლის ოპერატორს მუქარით 290 ლარი გასტაცა და მიიმალა.

"სამართალდამცველებმა ბრალდებული მომხდარიდან რამდენიმე საათში, თბილისში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო", - განმარტავენ შსს-ში.

საქმეზე გამოძიება სისხლის სამართლის კოდექსის 179-ე მუხლით მიმდინარეობს. ამ მუხლით, ყაჩაღობა არაერთგზის ისჯება რვიდან თორმეტ წლამდე თავისუფლების აღკვეთით.