"მშვიდობამდე ჯერ კიდევ გრძელი გზაა" — განაცხადა რუსეთის საგარეო საქმეთა მინისტრმა, სერგეი ლავროვმა უკრაინასთან დაკავშირებით. ამის შესახებ ინფორმაციას Sky News ავრცელებს.

მიუხედავად იმისა, რომ სერგეი ლავროვმა აღნიშნა, თითქოს დონალდ ტრამპმა უკრაინას და ევროპას "თავისი ადგილები მიუჩინა", დაამატა, რომ არსებული ვითარების მიმართ "ზედმეტად ენთუზიაზმით განწყობის" არანაირი საფუძველი არ არსებობს.

რუსეთის საგარეო საქმეთა მინისტრის მოადგილემ, ალექსანდრ გრუშკომ, სახელმწიფო გაზეთ "იზვესტიასთვის" მიცემულ ინტერვიუში განაცხადა, რომ უკრაინასთან ნებისმიერი შეთანხმება ქვეყნის NATO-ში გაწევრიანებას გამორიცხავს.

მან ასევე აღნიშნა, რომ უკრაინაში უცხოური სამხედრო ძალების განთავსება დაუშვებელი იქნება.