ევროპული საქართველოს ინფორმაციით, წყალტუბოში მათ მერობის კანდიდატს, სევერიან გორდულაძეს და მის ძმას, კახა გორდულაძეს, რომელიც პარტიის მაჟორიტარობის კანდიდატია დაემუქრნენ.

"წყალტუბოში პარტიის წარმომადგენლები აცხადებენ, რომ კახა გორდულაძეს ტელეფონზე დაუკავშირდა მისთვის უცნობი პიროვნება და ქალაქის დატოვება მოსთხოვა. უცნობი მას და მის მეუღლეს სამსახურიდან განთავისუფლებით და პრობლემების შექმნით ემუქრებოდა", - აღნიშნავენ ევროპულ საქართველოში.

საქართველოს შინაგან საქმეთა სამინისტროში On.ge-ს განუცხადეს, რომ საქმეზე გამოძიება, შესული განცხადების საფუძველზე, სისხლის სამართლის კოდექსის 151-ე მუხლით (მუქარა) დაიწყეს.