BBC-ს ინფორმაციით, ამერიკის პრეზიდენტმა დონალდ ტრამპმა განაცხადებით, აშშ-ის საჰაერო ძალებმა "ლეტალური დარტყმა" განახორციელეს გემზე, რომელსაც ნარკოტიკები გადაჰქონდა. თავდასხმის შედეგად ბორტზე მყოფი სამი ნარკოდანაშაულში მონაწილე პირი დაიღუპა.

ტრამპის თქმით, მან ნავის წინააღმდეგ თავდასხმის ბრძანება მას შემდეგ გასცა, რაც ამერიკულმა დაზვერვამ დაადასტურა, რომ ის ნარკოტიკებით ვაჭრობას ახორციელებდა. ეს ბოლო კვირების განმავლობაში ნარკოტიკებით, სავარაუდოდ, დატვირთულ ნავებზე განხორციელებული უკვე მესამე მსგავსი დარტყმაა. წინა ორ დარტყმას ვენესუელური წარმოშობის ნავებზე სულ 14 ადამიანის სიცოცხლე ემსხვერპლა. ვენესუელის პრეზიდენტმა, ნიკოლას მადურომ ტრამპის აგრესიული თავდასხმები დაგმო და განაცხადა, რომ მისი ქვეყანა დაიცავს თავს აშშ-ის "აგრესიისგან".

ტრამპმა Truth Social-ზე ვიდეო გამოაქვეყნა, სადაც ჩანს როგორ უხსნის აშშ-ის ძალები ზღვაში გემს ცეცხლს.

"ჩემი ბრძანებით, ომის მდივანმა განახორციელა ლეტალური კინეტიკური დარტყმა გემზე, რომელიც დაკავშირებული იყო დასახელებულ ტერორისტულ ორგანიზაციასთან და ნარკოტრაფიკინგით იყო დაკავებული USSOUTHCOM-ის პასუხისმგებლობის ზონაში. დაზვერვამ დაადასტურა, რომ გემი ეზიდებოდა აკრძალულ ნარკოტიკებს და გადაადგილებდა ცნობილ ნარკომარშრუტზე ამერიკელების მოწამვლის მიზნით. დარტყმა, რომელიც საერთაშორისო წყლებში განხორციელდა, გემზე მყოფი 3 მამაკაცისგან შემდგარი ნარკოტერორისტული ჯგუფი მოკლა. ამ დარტყმაში არცერთი ამერიკელის შეიარაღებული ძალების წევრი არ დაშავებულა. შეწყვიტეთ ფენტანილის, ნარკოტიკების და უკანონო წამლების გაყიდვა ამერიკაში და ძალადობისა და ტერორიზმის ჩადენა ამერიკელების წინააღმდეგ!!!" — წერს ტრამპი.