აშშ-ის წარმომადგენელი სტივ უიტკოფი მოსკოვში, დონალდ ტრამპის მიერ რუსეთისთვის მიცემული ვადის ამოწურვამდე ორი დღით ადრე, ჩავიდა. ინფორმაციას ამის შესახებ Reuters ავრცელებს.

უიტკოფს რუსული საინვესტიციო ფონდის ხელმძღვანელი და კრემლის საინვესტიციო რწმუნებული კირილ დმიტრიევი დახვდა. კრემლმა აღნიშნა, რომ ის შესაძლოა ვლადიმერ პუტინსაც შეხვდეს, თუმცა ეს ჯერ ოფიციალურად არ დაუდასტურებია.

ცნობისთვის, დონალდ ტრამპი პუტინის მხრიდან უკრაინაში სამშვიდობო მოლაპარაკებების არარსებობით იმედგაცრუებულია. ის იმუქრება, რომ მძიმე ტარიფებს დაუწესებს იმ ქვეყნებს, რომლებიც რუსულ ექსპორტს ყიდულობენ. განსაკუთრებული ზეწოლა ინდოეთზე მოდის, რომელიც, ჩინეთთან ერთად, რუსული ნავთობის ერთ-ერთი უმსხვილესი მყიდველია. კრემლი აცხადებს, რომ ასეთი სანქციებით სხვა ქვეყნების დაშინება არალეგალურია.