საფრანგეთის პრეზიდენტის ემანუელ მაკრონის განცხადებას, რომ ის პალესტინის დამოუკიდებლობას აღიარებს ისრაელის პრემიერმინისტრი ბენიამინ ნეთანიაჰუ სოციალურ ქსელში გამოეხმაურა. მან აღნიშნა, რომ პალესტინური სახელმწიფოს აღიარება ტერორიზმის წახალისებაა.

"ჩვენ მკაცრად ვგმობთ პრეზიდენტ მაკრონის გადაწყვეტილებას, რომელმაც 7 ოქტომბრის ხოცვა-ჟლეტის ფონზე, თელ-ავივის მეზობლად პალესტინური სახელმწიფოს აღიარება გადაწყვიტა. ასეთი ქმედება ტერორიზმის წახალისებაა და ქმნის საშიშროებას, რომ გაჩნდეს კიდევ ერთი ირანის მიერ მართული ძალა, ზუსტად ისე, როგორც მოხდა ღაზას შემთხვევაში.

პალესტინური სახელმწიფო ამ პირობებში იქნებოდა პლაცდარმი ისრაელის გასანადგურებლად — და არა მშვიდობიანად მის გვერდით თანაარსებობისთვის. პირდაპირ უნდა ითქვას: პალესტინელები ისრაელის გვერდით სახელმწიფოს შექმნისთვის არ ისწრაფვიან — ისინი ისწრაფვიან ისრაელის ნაცვლად სახელმწიფოს შექმნისკენ ისწრაფვიან," — დაწერა ბენიამინ ნეთანიაჰუმ.