ბათუმელი მედროშე, თემურ ქათამაძე თურქეთში გააძევეს

ბათუმელი მედროშე, თემურ ქათამაძე თურქეთში გააძევეს. ამის შესახებ ინფორმაცია მისმა ცოლმა ნინო კაკულიამ გაავრცელა. როგორც ის სოციალურ ქსელში წერს, მისი თურქეთში გადაყვანა ღამით მოხდა.
"ვერაგულად ღამე გაიყვანეს... ვერც დავემშვიდობე", — წერს ბათუმელი მედროშის, თემურ ქათამაძის მეუღლე, ნინო კაკულია სოციალურ ქსელში.
თემურ ქათამაძე ბათუმის პოლიციის სამმართველოსთან 11 იანვარს დააკავეს. მან პროტესტის ნიშნად, 48 დღე იშიმშილა. დაკავების დროს, როგორც ქათამაძე ამბობდა, მასზე ფიზიკურად იძალადა ბათუმის პოლიციის უფროსმა ირაკლი დგებუაძემ.
თემურ ქათამაძე ათ წელზე მეტია საქართველოში ცხოვრობს და მოქალაქეობის მინიჭებაზე არაერთხელ მიმართა საქართველოს ხელისუფლებას, თუმცა უარი მიიღო. მას საქართველოში ცხოვრების უფლების არქონას ედავებოდნენ.
სოციალური სამართლიანობის ცენტრის (SJC) ცნობით, მიგრაციის დეპარტამენტმა თემურ ქათამაძის გაძევების პროცედურები 2025 წლის 16 იანვარს, მას შემდეგ დაიწყო, რაც ის ადმინისტრაციული წესით უკანონოდ დააკავეს ბათუმის პროტესტში აქტიური მონაწილეობის გამო. თემურ ქათამაძე ბათუმის უწყვეტი პროტესტის მედროშე და აქტიური მონაწილე იყო.
თემურ ქათამაძე მუჰაჯირების შთამომავალია. ის თურქეთში მცხოვრები ეთნიკური ქართველების მიერ დაფუძნებული ორგანიზაციის — "ჩვენებურების" — აქტიური წევრი, ლიდერი და აქტივისტია — ის საქართველოში 2012 წელს ჩამოვიდა და მას შემდეგ ქვეყანა არ დაუტოვებია.
მისი მიზანი საქართველოში სრული რეინტეგრაცია და ცხოვრება იყო - თემურ ქათამაძე 2019 წლამდე ქვეყანაში სამუშაო ვიზით ცხოვრობდა, თუმცა 2020 წელს ვიზის გაგრძელებაზე უარი მიიღო.
ამ პერიოდში თემურ ქათამაძემ საქართველოს მოქალაქეობის მიღება სამჯერ სცადა (2012, 2015, 2019 წლებში), თუმცა ყველა შემთხვევაში უარი მიიღო.
2025 წლის 29 აპრილის თბილისის სააპელაციო სასამართლომ ძალაში დატოვა პირველი ინსტანციის გადაწყვეტილება და ამით თავშესაფრის მოთხოვნის გასაჩივრების შესაძლებლობა ეროვნულ დონეზე ამოიწურა. ერთ დღეში, 30 აპრილს მიგრაციის დეპარტამენტმა გააგრძელა გაძევების შეჩერებული პროცედურა და ქათამაძეს ნებაყოფლობითი გაძევებისთვის 10 დღიანი ვადა განუსაზღვრა.
მეტი თემურ ქათამაძის შესახებ:
- სასამართლომ თემურ ქათამაძის გაძევების შესახებ გადაწყვეტილება დროებით შეაჩერა
- SJC: თემურ ქათამაძეს სასამართლო პროცესის დასრულებამდე ქვეყნიდან არ გააძევებენ
- ბათუმელ მედროშეს, თემურ ქათამაძეს [გაფფარ ილმაზი] საქართველოდან გააძევებენ.
- სასამართლომ თემურ ქათამაძეს საიმიგრაციო პატიმრობა 6 თვით გაუხანგრძლივა
- "ბათუმელმა მედროშემ", თემურ ქათამაძემ შიმშილობა მეორედ დაიწყო
- თემურ ქათამაძე სასამართლომ დამნაშავედ ცნო და 2800 ლარით დააჯარიმა
- ნინო ნადირაძე ბათუმელ მედროშე თემურ ქათამაძეს "ფიზიკური შეურაცხყოფის მიყენებას" ედავება და უჩივის
- თემურ ქათამაძე: "ვთხოვ სალომე ზურაბიშვილს, საფრანგეთის პრეზიდენტ მაკრონს ჩემთვის თავშესაფრის სტატუსი ან მოქალაქეობის მინიჭება სთხოვოს"
- სასამართლომ თემურ ქათამაძეს ლტოლვილის სტატუსზე უარი უთხრა — სასამართლოში ქათამაძემ ფსიქოლოგიურ ძალადობაზე ისაუბრა
- თემურ ქათამაძე "ვივამედიდან" მიგრაციის დეპარტამენტის დროებითი მოთავსების ცენტრში დააბრუნეს
- პროევროპულ აქციებზე დაკავებულთა მოსამართლეები და პროკურორები, აბუ-დაბის ჯგუფური ძალადობის მონაწილე "ოცნების" დეპუტატები — ვინ და რატომ დაასანქცირა ესტონეთმა?
- თემურ ქათამაძემ 48-ე დღეს შიმშილობა შეწყვიტა
- საია-ს ინფორმაციით, შიმშილობის 48-ე დღეს თემურ ქათამაძე სამედიცინო დაწესებულებაში გადაიყვანეს
- თემურ ქათამაძის ადვოკატის თქმით, ის თავს სუსტად გრძნობს, აქვს გადაადგილებისას სირთულეები — "ბათუმელი მედროშე" 46-ე დღეა შიმშილობს
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები