ბათუმის საპროტესტო აქციების მედროშე, თემურ ქათამაძე (გაფფარ ილმაზი) დროებითი განთავსების ცენტრიდან გამოგზავნილ წერილში დახმარებას სთხოვს საქართველოს მე-5 პრეზიდენტს, სალომე ზურაბიშვილს.

წერილში ვკითხულობთ, რომ ბათუმელი მედროშე ზურაბიშვილს საფრანგეთის პრეზიდენტ ემანუელ მაკრონთან შუამდგომლობას სთხოვს, რომ მას თავშესაფრის სტატუსი ან მოქალაქეობა მიანიჭოს.

"მე ვთხოვ სალომე ზურაბიშვილს, საფრანგეთის პრეზიდენტს, მაკრონს სთხოვოს, ჩემთვის თავშესაფრის სტატუსი, ან მოქალაქეობის მინიჭება. მე ზურაბიშვილს ვთხოვ ამას, მისი მამამისის სულისთვის, რომელიც ჩვენებურების ბელადის, ახმედ მელაშვილის მეგობარი იყო და ვინაიდან მე ვარ ახმედ მელაშვილის ქართული ეროვნული მისიის დღევანდელი გამგრძელებელი, თურქეთში ეთნიკური ქართველების ერთადერთი წარმომადგენელი," — წერს ქათამაძე 10 მარტით დათარიღებულ წერილში.

შეგახსენებთ, 18 მარტს თბილისის საქალაქო სასამართლომ არ დააკმაყოფილა ბათუმელი მედროშის, თემურ ქათამაძის სარჩელი ლტოლვილის სტატუსის მინიჭებასთან დაკავშირებით. გადაწყვეტილება მოსამართლე დიანა ფარქოსაძემ გამოაცხადა.

ქათამაძემ სასამართლო პროცესზე განაცხადა, რომ მიგრაციის დეპარტამენტის ადმინისტრაციამ და კლინიკა "ვივამედმა" "სპეცოპერაცია ჩაატარეს" და მას 48-დღიანი შიმშილობის შემდეგ კვების აღდგენის მკურნალობა არ ჩაუტარეს. ქათამაძემ ასევე დასძინა, რომ ის "ვივამედის" ადმინისტრაციისა და მედპერსონალის ფსიქოლოგიური წნეხის შედეგად იძულებული იყო, შეეწყვიტა მკურნალობა და მიგრაციის დეპარტამენტში დაბრუნებულიყო. სწორედ აღნიშნულის დამადასტურებელი დოკუმენტაციის შეგროვებისთვის ითხოვა დრო ქათამაძემ და სხდომის გადადების შუამდგომლობა დააყენა.

თემურ ქათამაძე ბათუმის პოლიციის სამმართველოსთან 11 იანვარს დააკავეს, 12 დღე იზოლატორში იყო, იქიდან გამოსვლისთანავე დააკავეს და ამ დრომდე შსს-ს მიგრაციის დროებითი განთავსების იზოლატორში იმყოფება. თემურ ქათამაძემ, პროტესტის ნიშნად, 48-ე დღე იშიმშილა.

დაკავების დროს, როგორც ქათამაძე ამბობდა, რომ მასზე ფიზიკურად იძალადა ბათუმის პოლიციის უფროსმა ირაკლი დგებუაძემ.

თემურ ქათამაძე ათ წელზე მეტია საქართველოში ცხოვრობს და მოქალაქეობის მინიჭებაზე არაერთხელ მიმართა საქართველოს ხელისუფლებას, თუმცა უარი მიიღო. მას საქართველოში ცხოვრების უფლების არქონას ედავებიან.

მეტი თემურ ქათამაძეზე:

თემურ ქათამაძე "ვივამედიდან" მიგრაციის დეპარტამენტის დროებითი მოთავსების ცენტრში დააბრუნეს

თემურ ქათამაძემ 48-ე დღეს შიმშილობა შეწყვიტა

საია-ს ინფორმაციით, შიმშილობის 48-ე დღეს თემურ ქათამაძე სამედიცინო დაწესებულებაში გადაიყვანეს

თემურ ქათამაძის ადვოკატის თქმით, ის თავს სუსტად გრძნობს, აქვს გადაადგილებისას სირთულეები — "ბათუმელი მედროშე" 46-ე დღეა შიმშილობს

თემურ ქათამაძე ამბობს, რომ დაკავების დღიდან არასათანადო მოპყრობის მსხვერპლია

საია შსს-ს შუამდგომლობით მიმართავს, თემურ ქათამაძის მიმართ დროებითი განთავსების ცენტრში მოთავსების შესახებ გამოყენებული ღონისძიება შეცვალოს

სახალხო დამცველის აპარატი თემურ ქათამაძის პატიმრობასთან დაკავშირებით განცხადებას ავრცელებს

საია: შიმშილობის პარალელურად, თემურ ქათამაძე უარს ამბობს აუცილებელი გამოკვლევების ჩატარებაზე