განსაკუთრებულ დავალებათა დეპარტამენტის დირექტორმა, სანქცირებულმა ზვიად ხარაზიშვილმა თანამდებობა დატოვა. შსს-ს ცნობით, მის ადგილს უწყებაში რომან ქარცივაძე დაიკავებს.

"შინაგან საქმეთა სამინისტროში კიდევ ერთი ცვლილება განსაკუთრებულ დავალებათა დეპარტამენტს შეეხო — აღნიშნული დეპარტამენტის დირექტორის თანამდებობაზე რომან ქარცივაძე დაინიშნა," — ვკითხულობთ უწყების განცხადებაში.

პუბლიკას ინფორმაციით, საქართველოს მთავრობის ვებგვერდზე ვკითხულობთ, რომ 2009 წლის 10 თებერვლის N 76 განკარგულების თანახმად, რომან ქარცივაძე ვახტანგ გორგასლის II ხარისხის ორდენით არის დაჯილდოებული.