4 თებერვალს, აშშ-ის პრეზიდენტმა, დონალდ ტრამპმა მედიას განუცხადა, რომ მან ხელი მოაწერა ბრძანებას, რომელიც ირანისთვის "მაქსიმალური ზეწოლის" დაწესებას გულისხმობს. რაზეც ირანის საგარეო საქმეთა მინისტრმა, აბას არაღჩიმ განაცხადა, რომ ტრამპმა ეს პოლიტიკა მისი პრეზიდენტობის პირველი ვადის დროს უკვე სცადა და მეორე მცდელობაც მარცხით დასრულება.

"მჯერა, რომ "მაქსიმალური ზეწოლა" წარუმატებელი ექსპერიმენტია და მისი ხელახლა ცდა კიდევ ერთი მარცხით დასრულდება, როგორც ეს მისი პირველი ვადის დროს მოხდა", — განაცხადა აბას არაღჩიმ.

შეგახსენებთ, რომ გუშინ, დონალდ ტრამპმა ისაუბრა ირანის მიერ მის მკვლელობის დაკვეთაზე და თქვა, რომ მან თავის მრჩევლებს დაავალა, გაანადგურონ ირანი, თუ მის ლიკვიდაციას კვლავ ეცდებიან. საუბარია მის წინააღმდეგ შესაძლო მკვლელობის მცდელობაზე, რომელიც გასულ შემოდგომაზე გამოაშკარავდა, როდესაც პრეზიდენტი 2024 წლის ივლისის პენსილვანიაში გამართულ მიტინგამდე რამდენიმე დღით ადრე ყურში ტყვია ესროლეს.

"მე დავტოვე ინსტრუქციები, რომ თუ ამას გააკეთებენ, განადგურდება, აღარაფერი დარჩება," — თქვა ტრამპმა, როდესაც ხელი მოაწერა ბრძანებას, რომლითაც აშშ-ს მთავრობა მაქსიმალურად აძლიერებს ზეწოლაა თეირანზე.

ამავე თემაზე: