აშშ-ის პრეზიდენტმა დონალდ ტრამპმა თქვა, რომ მან თავის მრჩევლებს დაავალა, გაანადგურონ ირანი, თუ თეირანი მის ლიკვიდაციას დაუკვეთავს. საუბარია მის წინააღმდეგ შესაძლო მკვლელობის მცდელობაზე, რომელიც გასულ შემოდგომაზე გამოაშკარავდა. ამის შესახებ Associated Press იუწყება.

სამშაბათს აშშ-ის პრეზიდენტმა მედიას განუცხადა, რომ ირანს "ეს რომ გაეკეთებინა, განადგურდებოდნენ".

"მე დავტოვე ინსტრუქციები, რომ თუ ამას გააკეთებენ, განადგურდება, აღარაფერი დარჩება", — თქვა ტრამპმა, როდესაც ხელი მოაწერა ბრძანებას, რომლითაც აშშ-ს მთავრობა მაქსიმალურად აძლიერებს ზეწოლაა თეირანზე.

აშშ-ში თვლიან, რომ ირანს ტრამპის მკვლელობის დაკვეთა.

აშშ-ს ოფიციალური პირების სიტყვით, ირანის მხრიდან ტრამპის სიცოცხლის ხელყოფის შესაძლო საფრთხეზე უსაფრთხოების ზომების გაძლიერება 2024 წლის ივლისის პენსილვანიაში გამართულ მიტინგამდე რამდენიმე დღით ადრე დაიწყო, სადაც ტრამპს ყურში ტყვია ესროლეს. აშშ-ს ოფიციალური პირები იმ დროს აცხადებდნენ, რომ მათ არ სჯერათ, რომ ირანი შეიძლება იყო დაკავშირებული მკვლელობის მცდელობასთან.

ნოემბერში აშშ-ის იუსტიციის დეპარტამენტმა გამოაცხადა, რომ საპრეზიდენტო არჩევნებამდე ირანის მხრიდან ტრამპის მკვლელობის მცდელობა ჩაიშალა. დეპარტამენტი ამტკიცებდა, რომ ირანელმა ოფიციალურმა პირებმა სექტემბერში 51 წლის ფარჰად შაკერის დაავალეს, ფოკუსირებული ყოფილიყო თვალთვალსა და, საბოლოოდ, ტრამპის მკვლელობაზე.

ირანის ოფიციალურმა წარმომადგენლებმა უარყვეს ბრალდება. საგარეო საქმეთა სამინისტროს სპიკერმა ესმაილ ბაღაიმ აშშ-ს განცხადებას ისრაელთან დაკავშირებული ინტერესების შეთქმულება უწოდა, რომლის მიზანიც ვაშინგტონსა და თეირანს შორის ურთიერთობების გაუარესებაა.

ამას გარდა, გასული წლის ოქტომბერში აშშ-ის მაშინდელმა პრეზიდენტმა ჯო ბაიდენმა გააფრთხილა ირანი, რომ შეერთებული შტატები ტრამპზე მკვლელობის მცდელობებს ომის აქტად განიხილავდა.