საქართველოს პრემიერ-მინისტრმა გიორგი კვირიკაშვილმა ბორჯომში ჟურნალისტებს უთხრა, რომ ხანძრის გამო წარმოქმნილი ყველაზე კრიზისული დღეები უკან დარჩა:

"შეიძლება ითქვას, რომ ხანძარი არის ლიკვიდირებული. შესაძლოა, მომდევნო დღეების განმავლობაში იყოს ცალკეული სახანძრო, წერტილოვანი კერები, რასაც შესაბამისად მივხედავთ. სწორედ ამიტომ, საგანგებო შტაბი მომდევნო დღეებშიც გააგრძელებს მუშაობას. ტექნიკა იქნება მობილიზებული იმისათვის, რომ ასეთი წერტილოვანი კერები ოპერატიულად იქნას ჩამქრალი".

კვირიკაშვილმა მადლობა გადაუხადა ყველა იმ ადამიანს, რომელიც ბოლო დღეების განმავლობაში ბორჯომში ებრძოდა სტიქიას.

წინასწარი მონაცემებით, ბორჯომის ხეობაში, სულ მცირე, 100 ჰექტარი ტყის მასივია დამწვარი. აგვისტოში საქართველოს მასშტაბით გაჩენილი ხანძრების რუკას შეგიძლიათ გაეცნოთ აქ.