მოკლედ: საქართველოს პროკურატურის ინფორმაციით, 3 მილიონ ლარზე მეტი გადასახადისთვის განზრახ თავის არიდების ფაქტზე ერთ პირს ბრალდება წარედგინა.

  • ბრალდება 5-დან 8 წლამდე პატიმრობას ითვალისწინებს.

დეტალები: ფინანსთა სამინისტროს საგამოძიებო სამსახურმა დაადგინა, რომ ბრალდებული, რომელიც ერთ-ერთი კომპანიის დირექტორი და ფაქტობრივი მფლობელია, სისტემატურად ახდენდა შემოსავლების არასწორ დეკლარირებას.

  • შედეგად, მან 2014-2018 წლებში, განზრახ თავი აარიდა განსაკუთრებით დიდი ოდენობის გადასახადს, ჯამში 3 098 967 ლარს.

ბოლო ხაზი: პროკურატურის შუამდგომლობის საფუძველზე, სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.