საფრანგეთი აზერბაიჯანს ახალ კალედონიაში არეულობების მხარდაჭერაში ადანაშაულებს
საფრანგეთი აზერბაიჯანს, ახალ კალედონიაში, საფრანგეთის მმართველობის წინააღმდეგ მეამბოხეების მხარდაჭერაში ადანაშაულებს.
ახალი კალედონია საფრანგეთის ტერიტორიაა, წყნარ ოკეანეში.
The Guardian ციტირებს საფრანგეთის შინაგან საქმეთა მინისტრის, ჟერალდ დარმანინის სიტყვებს, რომ ეს "რეალობაა".
"ვწუხვარ, რომ კალედონიის დამოუკიდებლობის მომხრე ზოგიერთმა ლიდერმა დადო შეთანხმება აზერბაიჯანთან. ეს უდავოა“, — თქვა დარმანინმა.
აზერბაიჯანული მედია იტყობინება, რომ ბაქოს საინიციატივო ჯგუფმა (BIG) ხუთშაბათს მოაწყო ვიდეოკონფერენცია, რომელსაც ესწრებოდნენ "დამოუკიდებლობისთვის მებრძოლი მოძრაობების" წარმომადგენლები ახალი კალედონიიდან, ფრანგული პოლინეზიიდან, საფრანგეთის გვიანიდან, მარტინიკადან, გვადელუპედან და კორსიკადან — საფრანგეთის ზღვისიქითა ტერიტორიებიდან, ახალი კალედონიის ხალხის მიმართ სოლიდარობის ნიშნად. მოგვიანებით, ვიდეოკონფერენციის მონაწილეებმა ერთობლივი განცხადება გაავრცელეს, სადაც დაგმეს საფრანგეთის მმართველობა და მხარი დაუჭირეს ტერიტორიების დამოუკიდებლობას.
ბაქოს საინიციატივო ჯგუფი ოფიციალურად შეიქმნა 2023 წლის 6 ივლისს, ბაქოში გამართული კონფერენციის "კოლონიალიზმის სრული აღმოფხვრისკენ" მონაწილეთა მიერ, რომლის მიზანი იყო, მხარი დაეჭირა ჯგუფებისთვის, რომლებიც იბრძოდნენ კოლონიალიზმისგან გათავისუფლებისთვის.
ხუთშაბათს აზერბაიჯანის საგარეო საქმეთა სამინისტრომ დარმანინის განცხადებები დაგმო და ეს ცნობები უარყო.
"აზერბაიჯანი კიდევ ერთხელ გმობს ფრანგული მხარის შეურაცხმყოფელ გამონათქვამებს აზერბაიჯანის მიმართ და მოუწოდებს, შეწყვიტოს აზერბაიჯანის წინააღმდეგ ცილისწამების კამპანია მიუღებელი ბრალდებებით“, — ნათქვამია განცხადებაში.
პრაღის კარლის უნივერსიტეტის მკვლევარმა, ბაჰრუზ სამადოვმა, განუცხადა OC Media-ს, რომ აზერბაიჯანის მიერ ანტიკოლონიური დისკურსის გამოყენება არ იყო გულწრფელი.
"შესაძლოა ჩანდეს, რომ აზერბაიჯანი მხარს უჭერს ამ მოძრაობების ღირებულებებს, თუმცა ეს ნაბიჯები არის მხოლოდ პოლიტიკური. საფრანგეთმა მკვეთრი რეაგირება მოახდინა მთიანი ყარაბაღის მეორე ომისა და 2023 წლის სექტემბრის მოვლენების შემდეგ და ეს ჰგავს აზერბაიჯანის პასუხს საფრანგეთისთვის“, — განაცხადა სამადოვმა.
აზერბაიჯანთან ურთიერთობები დაიძაბა 2020 წლის მეორე მთიანი ყარაბაღის ომის შემდეგ, საფრანგეთი სულ უფრო აკრიტიკებს აზერბაიჯანის მიერ სომხეთთან კონფლიქტის მოგვარების გზებს და ზრდის სომხეთის მხარდაჭერას.
”ეს აჩვენებს, თუ როგორ შეიცვალა აზერბაიჯანის საგარეო პოლიტიკური დისკურსი”, — თქვა სამადოვმა და აღნიშნა, რომ ეს პოზიცია აზერბაიჯანს საშუალებას აძლევს უარყოს ევროპული ღირებულებები ადამიანის უფლებებთან დაკავშირებით.
სამადოვმა აღნიშნა, რომ "შერჩევითი ანტიკოლონიალიზმი“ გამოიყენებოდა სხვა ავტორიტარულ ქვეყნებში, მათ შორის, რუსეთსა და თურქეთში.
"ეს ახალი არ არის და აზერბაიჯანმა მოახდინა ამ დისკურსის ინსტრუმენტალიზაცია, იყენებს მას ნებისმიერ საჭირო დროს",— თქვა სამადოვმა.
ფრანგული მედია იტყობინება, რომ აზერბაიჯანის დროშები გამოჩნდა ახალ კალედონიაში გამართულ დემონსტრაციებზე წლის დასაწყისში, მათ შორის, მარტში.
ერთი წლით ადრე, ახალი კალედონიის საგარეო საქმეთა მუდმივი კომისარი, მიქაელ ფორესტი, ეწვია აზერბაიჯანს, რათა დასწრებოდა კოვიდ-19-თან ბრძოლის შესახებ სამიტის დახურვის ცერემონიას, ის შეხვდა აზერბაიჯანელ დეპუტატებს.
ბაქოს საინიციატივო ჯგუფმა, ასევე, მოაწყო კონფერენციები თემაზე "დეკოლონიზაცია: ჩუმი რევოლუცია“ გაეროში, 2023 წლის სექტემბერში და კონფერენცია "ნეოკოლონიალიზმი: ადამიანის უფლებების დარღვევა და უსამართლობა“ 2023 წლის ოქტომბერში. ამ უკანასკნელს ესწრებოდა აზერბაიჯანის პრეზიდენტის ადმინისტრაციის საგარეო პოლიტიკის დეპარტამენტის ხელმძღვანელი, ქვეყნის სახალხო დამცველი და საფრანგეთის ზღვისიქითა ტერიტორიების წარმომადგენლები.
2023 წლის დეკემბერში აზერბაიჯანის სახელმწიფო საინფორმაციო სააგენტო Azertac-ის კორესპონდენტი ახალი კალედონიიდან გააძევეს.
მას შემდეგ, რაც , მიმდინარე კვირაში, ახალ კალედონიაში არეულობები დაიწყო, ბაქოს საინიციატივო ჯგუფმა გამოუცხადა მხარდაჭერა იმ ადამიანების, რომლებიც "იტანჯებიან საფრანგეთის კოლონიური პოლიტიკით".
"აზერბაიჯანის ქმედებები საფრანგეთს ვერ დააზარალებს", — ამბობს სამადოვი. "აზერბაიჯანს სურს, უბრალოდ, თქვას, რომ თუ გაგვაკრიტიკებთ და არ აღიარებთ ჩვენს გამარჯვებას, შეიძლება პრობლემები შეგიქმნათ, თქვენი კოლონიების დამოუკიდებლობის მხარდაჭერაში".
მან აღნიშნა, რომ აზერბაიჯანს არ უსაუბრია სხვა ქვეყნების კოლონიურ ისტორიებზე. ბრიტანეთის ზღვისიქითა ტერიტორიები აზერბაიჯანის კრიტიკას არ ექვემდებარება, ბრიტანული ბიზნესი აზერბაიჯანში მნიშვნელოვან ინვესტიციებს ახორციელებს.
სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.
-
გადახედვაშონ "დიდი" ქომბსი — ბოლო ცნობები რეპერის საქმის ირგვლივ შონ "დიდი" ქომბსი — ბოლო ცნობები რეპერის საქმის ირგვლივ
-
გადახედვაივანიშვილი: შეცდომის დაშვების უფლება არ გვაქვს, წინააღმდეგ შემთხვევაში, 2008 წლის აგვისტოს ომი მონაგონი იქნება ივანიშვილი: შეცდომის დაშვების უფლება არ გვაქვს, წინააღმდეგ შემთხვევაში, 2008 წლის აგვისტოს ომი მონაგონი იქნება
-
გადახედვაკალაძის თქმით, კობახიძის ბაიდენის მიღებაზე არ მიწვევა "რადიკალური ოპოზიციის წამახალისებელი პროვოკაციაა" კალაძის თქმით, კობახიძის ბაიდენის მიღებაზე არ მიწვევა "რადიკალური ოპოზიციის წამახალისებელი პროვოკაციაა"
-
გადახედვაივანიშვილმა ქვეყნის გაერთიანების პირობად ურთიერთშენდობა დაასახელა, თუმცა ბოდიშის მოხდა აღარ უხსენებია ივანიშვილმა ქვეყნის გაერთიანების პირობად ურთიერთშენდობა დაასახელა, თუმცა ბოდიშის მოხდა აღარ უხსენებია
-
გადახედვაბიძინა ივანიშვილი: ქვეყნის გაერთიანება საკონსტიტუციო უმრავლესობის მოპოვებაზე გადის ბიძინა ივანიშვილი: ქვეყნის გაერთიანება საკონსტიტუციო უმრავლესობის მოპოვებაზე გადის
-
გადახედვაშალვა პაპუაშვილი: 26 ოქტომბერს ქუდზე კაცი უნდა გამოვიდეთ და კიდევ ერთხელ, ერთ ქართულ ლაშქრად უნდა შევიკრათ. არა ხმლით, არამედ ხმით. შალვა პაპუაშვილი: 26 ოქტომბერს ქუდზე კაცი უნდა გამოვიდეთ და კიდევ ერთხელ, ერთ ქართულ ლაშქრად უნდა შევიკრათ. არა ხმლით, არამედ ხმით.
-
გადახედვაჰეზბოლამ ლიდერის, ჰასან ნასრალას, დაღუპვა დაადასტურა ჰეზბოლამ ლიდერის, ჰასან ნასრალას, დაღუპვა დაადასტურა
-
გადახედვააიათოლა ალი ხამენეიმ მუსლიმებს ისრაელის წინააღმდეგ ბრძოლისკენ მოუწოდა აიათოლა ალი ხამენეიმ მუსლიმებს ისრაელის წინააღმდეგ ბრძოლისკენ მოუწოდა
-
გადახედვაპრემიერის თქმით, გიორგი ამილახვრის გადადგომა, მმართველი გუნდისთვის, დიდი დანაკლისია პრემიერის თქმით, გიორგი ამილახვრის გადადგომა, მმართველი გუნდისთვის, დიდი დანაკლისია
-
გადახედვაგანათლების მეცნიერებისა და ახალგაზრდობის მინისტრი გიორგი ამილახვარი თანამდებობიდან გადადგა განათლების მეცნიერებისა და ახალგაზრდობის მინისტრი გიორგი ამილახვარი თანამდებობიდან გადადგა
-
გადახედვაისრაელმა ბეირუთში ჰეზბოლას ლიდერის შტაბი დაბომბა ისრაელმა ბეირუთში ჰეზბოლას ლიდერის შტაბი დაბომბა
-
გადახედვაYandex-მა გამოაქვეყნა რუკა, რომელზეც ოკუპირებული ტერიტორიები ხინკლითა და პიცითაა დაფარული Yandex-მა გამოაქვეყნა რუკა, რომელზეც ოკუპირებული ტერიტორიები ხინკლითა და პიცითაა დაფარული
-
გადახედვაქვიზი: გამოიცანი ქართველი პოლიტიკოსი ფრაზით ქვიზი: გამოიცანი ქართველი პოლიტიკოსი ფრაზით
-
გადახედვაEdison Research: "ოცნება" — 32%, "ერთიანობა" — 20%, "კოალიცია ცვლილებებისთვის" — 11.9%, გახარია — 11.9% Edison Research: "ოცნება" — 32%, "ერთიანობა" — 20%, "კოალიცია ცვლილებებისთვის" — 11.9%, გახარია — 11.9%
-
გადახედვატომ სალივანი: შეშფოთებულები ვართ ტრაექტორიით, რომლითაც "ქართულ ოცნებას" ქვეყანა მიჰყავს ტომ სალივანი: შეშფოთებულები ვართ ტრაექტორიით, რომლითაც "ქართულ ოცნებას" ქვეყანა მიჰყავს
-
გადახედვარატომ თვლიან აზერბაიჯანელი არასამთავროები სომხეთს რუსეთის სავაჭრო პარტნიორად რატომ თვლიან აზერბაიჯანელი არასამთავროები სომხეთს რუსეთის სავაჭრო პარტნიორად
-
-
გადახედვააშშ-ის დასავლეთ სანაპიროს ქარიშხალი ჰელენი უტევს აშშ-ის დასავლეთ სანაპიროს ქარიშხალი ჰელენი უტევს
-
გადახედვააღმოაჩინეს დედამიწის მსგავსი ეგზოპლანეტა, რომელიც მზის სისტემის მომავალზე გვაფიქრებს აღმოაჩინეს დედამიწის მსგავსი ეგზოპლანეტა, რომელიც მზის სისტემის მომავალზე გვაფიქრებს
-
გადახედვაროგორი იქნება ლარის კურსი უქმეებზე? როგორი იქნება ლარის კურსი უქმეებზე?
-
გადახედვანახეთ: ზონდმა გადაიღო, როგორ მძვინვარებს მზის ტურბულენტური პლაზმა ნახეთ: ზონდმა გადაიღო, როგორ მძვინვარებს მზის ტურბულენტური პლაზმა
კომენტარები