ტეილორ სვიფტის მიღწევებსა და რეკორდებს კიდევ ერთი სიახლე შეემატა: მომღერლის ქონება ახლა უკვე $2 მილიარდს შეადგენს, რითაც ის ისტორიაში ყველაზე მდიდარი ქალი მუსიკოსი გახდა.

Forbes-ის მიხედვით, ტეილორი მილიარდერი 2023 წლის ოქტომბერში გახდა. 2026 წლის მარტში კი მომღერლის ქონება თითქმის გაორმაგდა, რაც შემოსავლის სხვადასხვა წყარომ და Eras Tour-მა განაპირობა. გავრცელებული ინფორმაციით, ტურნეს შემოსავალი $2.2 მილიარდი იყო. ასევე, მომღერალმა დამატებითი შემოსავალი უახლესი ალბომებიდან —Tortured Poets Department და Life of a Showgirl — მიიღო.

ამასთანავე, ტეილორი იმ ადამიანებს შორისაა, რომლებმაც მილიარდერის სტატუსს მხოლოდ საკუთარი მუსიკით მიაღწიეს. Forbes-ის მიხევდით, ტეილორ სვიფტი $100 მილიონზე მეტი ღირებულების უძრავ ქონებასაც ფლობს.

ყველაზე მდიდარ მუსიკოსთა შორის სვიფტი მსოფლიოში მეორე ადგილზეა. ამჟამად მას მხოლოდ ჯეი-ზი უსწრებს, რომლის ქონება დაახლოებით $2.8 მილიარდითაა შეფასებული.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...