ბრედ პიტმა 2001 წლის ნოემბერში Friends-ის მერვე სეზონში, ეპიზოდური როლი მოირგო, რომელიც მან ჯენიფერ ენისტონის, მისი იმდროინდელი მეუღლის გვერდით ითამაშა.

ეპიზოდში The One with the Rumor ბრედ პიტის პერსონაჟი — უილ კოლბერტი, სკოლის პერიოდში როს გელერთან ერთად შექმნილი კლუბის, "მე მძულს რეიჩელის" წევრი იყო.

იმ პერიოდში, როდესაც ეს ეპიზოდი გადაიღეს, ბრედ პიტი ჯენიფერ ენისტონზე, სერიალში რეიჩელ გრინის როლის შემსრულებელზე, იყო დაქორწინებული. წყვილმა ქორწინებაში ხუთი წელი გაატარა, 2005 წელს კი განქორწინდნენ.

ჯენიფერ ენისტონი და ბრედ პიტი ფილმ The Mexican-ის პრემიერაზე, 2001 წლის 23 თებერვალს.

ფოტო: Getty Images

ერთ-ერთ ინტერვიუში ლიზა კუდროუმ და ჯენიფერ ენისტონმა აღნიშნეს, რომ Friends-ის მადლიერების დღისადმი მიძღვნილ ეპიზოდებს ყოველთვის უამრავი ცნობილი ვარსკვლავი სტუმრობდა.

"როდესაც ბრედი შემოგვიერთდა, უბრალოდ საოცრად სახალისო იყო", — იხსენებს ლიზა კუდროუ.

ბრედ პიტი სერიალში Friends.

ფოტო: warner Bros.

მსახიობებმა ის სხვა კინოვარსკვლავებიც გაიხსენეს, მათ შორის ბრიუს უილისი, ჯულია რობერტსი, იზაბელა როსელინი და შონ პენი, რომლებიც სიტკომს ესტუმრნენ.

ლიზასა და ჯენიფერით თქმით, ვარსკვლავები ხშირად ძალიან ნერვიულობდნენ, რადგან სიტკომს სტუდიაში, ცოცხალი აუდიტორიის წინაშე იღებდნენ. Friends-ის მსახიობებისთვის გასაოცარი იყო იმის ყურება, თუ როგორ ნერვიულობდნენ გამოცდილი მსახიობები ამ უცხო ფორმატის გამო.