წუხელ, გვიან ღამით, თბილისში, მტკვარში ავტომობილი გადავარდა. "პირველი არხის" ცნობით, ავტოსაგზაო შემთხვევის შედეგად დაშავებულების შესახებ ინფორმაცია არ ვრცელდება.

შემთხვევის ადგილზე სამაშველო ოპერაციას საგანგებო სიტუაციების მართვის სამსახურის მეხანძრე-მაშველები ატარებენ. გადავარდნილი ავტომობილის პოვნა ამ დრომდე ვერ მოხერხდა.

მომხდარზე შინაგან საქმეთა სამინისტრომ გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.