თბილისის საერთაშორისო აეროპორტში, აშშ-ის გამოძიების ფედერალურ ბიუროსთან (FBI) კოორდინაციით, დააკავეს პირი, რომელიც საერთაშორისო ძებნაში იმყოფებოდა მძიმე დანაშაულების გამო. ინფორმაციას შსს ავრცელებს.

უწყების ცნობით, კრიმინალური პოლიციის და გენერალური პროკურატურის თანამშრომლებმა, აშშ-ის სახდეპის წარმომადგენლებთან გაფორმებული ერთობლივი დეკლარაციის ფარგლებში, აშშ-ს გამოძიების ფედერალურ ბიუროსთან (FBI) ორმხრივი მჭიდრო კოორდინაციის შედეგად, დააკავეს პირი, რომელიც საერთაშორისო ძებნაში იმყოფებოდა სხვადასხვა მძიმე დანაშაულის გამო.

სამართალდამცველებმა აღნიშნული პირი, ჩატარებული საგამოძიებო მოქმედებების შედეგად თბილისის საერთაშორისო აეროპორტში დააკავეს. იგი ამერიკის შეერთებული შტატების გამოძიების ფედერალური ბიუროს (FBI) მოთხოვნის საფუძველზე იძებნებოდა სხვადასხვა დანაშულისთვის, მათ შორის: დანაშაულებრივი საქმიანობის ხელშეწყობისა და თანამონაწილეობის, დანაშაულებრივი შეთქმულებისა და ფულის გათეთრების ბრალდებებით.
ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს, — ნათქვამია გავრცლებულ ინფორმაციაში.