ცნობილი ანიმაცია მეფე ლომის მიხედვით 2019 წელს გამოსულმა ფილმმა მსოფლიოს ყურადღება მარტივად მიიპყრო, ახლა კი დისნეი ახალი პროექტით დაბრუნდა. დისნეი ამჯერად Mufasa: The Lion King-ზე მუშაობს, რომლის პირველი ტრეილერიც ახლახან გამოვიდა.

Mufasa: The Lion King სიმბას მამის, მუფასას, ისტორიას მოგვითხრობს და მის განვლილ გზას გვიჩვენებს. როგორც ტრეილერიდან ჩანს, ფილმში მაყურებელი მუსაფასა და მისი ძმის, სკარის, ბავშვობას იხილავს. ფილმს ცნობილი რეჟისორი ბარი ჯენკინსი იღებს. ახლახან კი ცნობილი გახდა, რომ ფილმის ერთ-ერთი გამხმოვანებელი ბიონსეს შვილი, ბლუ აივი, იქნება.

"ეს ისტორია მთებისა და ჩრდილების მიღმა იწყება. დაიბადა ლომი, რომლის სისხლშიც დიდგვაროვნების ერთი წვეთიც არ ყოფილა. სწორედ ეს ლომი შეცვლის ჩვენს ცხოვრებას სამუდამოდ", — ვისმენთ Mufasa: The Lion King-ის ტრეილერში, რომელიც საოცარი თავგადასავლისთვის გვამზადებს.

Mufasa: The Lion King-ის პრემიერის ზუსტი თარიღი ჯერჯერობით არ სახელდება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...